सचिन जाधव, साम टीव्ही प्रतिनिधी

Pune crime News : पत्नीच्या त्रासाला कंटाळून एका युवकाने आयुष्य संपवल्याची धक्कादायक घटना पुण्यात घडली आहे. पुण्यातील धानोरी परिसरात ही घटना घडल्याचे उघडकीस आलेय. याप्रकरणी पोलिसांनी पत्नी, सासू आणि मेहुणीविरोधात विश्रांतवाडी पोलिसांत गुन्हा दाखल केला आहे. पोलिसांकडून याप्रकरणी तपास करण्यात येत आहे.आत्महत्येपूर्वी प्रफुल्ल यांनी चिठ्ठीत पत्नी, सासू, मेहुणीच्या त्रासामुळे आत्महत्या करीत असल्याचे नमूद केले होते.

पत्नीच्या छळास कंटाळून तरुणाची आत्महत्या केली. याप्रकरणी पत्नी,सासू आणि मेहुणीविरुध्द गुन्हा दाखल करण्यात आलाय. पत्नी, सासू आणि मेहुणीच्या त्रासाला कंटाळून तरुणाने आत्महत्या केल्याची घटना धानोरी परिसरात घडली. या प्रकरणी विश्रांतवाडी पोलिस ठाण्यात गुन्हा दाखल करण्यात आला आहे. प्रफुल्ल हरिश्चंद्र कदम (वय ३५, रा. सत्यम राजयोग सोसायटी, धानोरी) असे आत्महत्या केलेल्या तरुणाचे नाव आहे.

पोलिसात दिलेल्या फिर्यादीनुसार प्रफुल्लची पत्नी, सासू, मेहुणी (रा. छत्रपती संभाजीनगर) पिंपरी-चिंचवड यांच्याविरुद्ध आत्महत्येस प्रवृत्त केल्याप्रकरणी गुन्हा दाखल करण्यात आला आहे. विवाहानंतर पत्नी, सासू, मेहुणीने प्रफुल्ल यांना ‘तुम्ही आम्हाला फसवले आहे. तू मेला तर मी दुसरा विवाह करून सुखी राहीन’, असे म्हणून वारंवार त्रास दिला. त्याला कंटाळून तरुणाने ३१ डिसेंबर रोजी घरी गळफास घेऊन आत्महत्या केली. आत्महत्येपूर्वी प्रफुल्ल यांनी चिठ्ठीत पत्नी, सासू, मेहुणीच्या त्रासामुळे आत्महत्या करीत असल्याचे नमूद केले होते. अधिक तपास विश्रांतवाडी पोलीस करत आहेत.