Kalyan Crime News

कल्याणनजीक असलेल्या म्हारळमध्ये नशेखोर मित्रांची दारूपार्टी सुरू होती. पार्टी रंगात आली असतानाच एकमेकांना सरज शिविगाळ सुरू केली. यावरून वाद सुरू झाला आणि काही क्षणात हा वाद इतका विकोपाला गेला की संतापाच्याभरात एकाने देशी कट्ट्याने मित्राचीच गोळ्या झाडून हत्या केली आहे. राजन उर्फ जानू येरकर असे हत्या झालेल्या मित्राचं ना्व आहे. या प्रकरणात टिटवाळा पोलिसांनी रोहित भालेकर आणि समीर चव्हाण या दोघांना अटक केली आहे. अन्य दोन जण परवेज शेख आणि सुनिल वाघमारे यांचा पोलिस शोध घेत आहेत. चार पैकी तिघे सराईत गुन्हेगार आहेत. दरम्यान या घटनेमुळे म्हारळ परिसरात एकच खळबळ उडाली आहे.

पोलिसांनी दिलेल्या माहितीनुसार, कल्याणनजीक असलेल्या ग्रामीण भागातील म्हारळ येथील सूर्यानगर परिसरात रोहित भालेकर ,परवेज शेख, सुनिल वाघमारे, समिर चव्हाण आणि राजन येरकर हे पाच नशेखोर मित्र दारू पित बसले होते. दारू पार्टी रंगातच आली होती. इकक्यात आपाससात सहज शिविगाळ झाली. त्यावरून राजन आणि एका मित्रामध्ये वाद झाला. या दरम्यान संतापलेल्या रोहित भालेकर याने परवेजच्या कमरेला असलेल्या देशीकट्टा हिसकावून घेतला आणि राजन येरकरवर फायरिंग करायला सुरूवात केली. या गोळीबारात राजन येरकर जाग्यावरच कोसळला आणि त्यातच त्याचा मृत्यू झाला.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

या प्रकरणात टिटवाळा पोलिसांनी गुन्हा दाखल केला आहे. पोलीस ठाण्याचे वरिष्ठ पोलीस निरिक्षक जितेंद्र ठाकूर यांच्या मार्गदर्शनाखाली संदीप शिंगटे यांच्या पथकाने काही वेळातच पोलिसांनी रोहित भालेकर आणि समिर चव्हाण याला अटक केली. मात्र या प्रकरणातील सुनिल आणि परवेज हे दोघे अद्याप फरार आहेत. या दोघांचा पोलीस शोध घेतायेत.