अभिजित देशमुख

Crime News: कल्याण येथे एका मित्राने आपल्या मित्राचा गाडीवरून जीव घेण्याचा प्रयत्न केल्याचा धक्कादायक प्रकार समोर आला आहे. दोन व्यावसायिक मित्रांनी कर्जावर एक महागडी कार घेतली. काही दिवस कारच्या हप्त्याचे पैसे दोघे मिळून भरले आणि कारचा मिळून वापरत केला. मात्र काही महिन्यांपूर्वी दोघांमध्ये वाद झाला. त्यामुळे त्यांच्यातील पार्टनरशीप तुटली. त्यानंतर कर वापरण्यावरून वाद झाल्यामुळे एका मित्राने दुसऱ्या मित्रावर प्राणघातक हल्ला केला.

कल्याण जवळील आडीवली परिसरात रोहीत राठोड आणि कृष्णा चौधरी हे राहतात. ते लहानपणापासूनचे मित्र आहे. दोघेही फायनान्सचा व्यवसाय करतात. त्यांनी काही महिन्यापूर्वी पार्टनरशीपमध्ये क्रेटा ही महागडी कार घेतली. त्यासाठी त्यांनी डाऊनपेमेंट केले होते. कार खरेदी करण्यासाठी त्यांनी लोन घेतले होते. कार कृष्णा चौधरीच्या नावे घेण्यात आली होती.

सुरुवातीला दोघे मिळून कारचे हप्ते भरत होते. मात्र, काही महिन्यात दोघांमध्ये वाद झाला .त्याची पार्टनर्शीप तुटली .त्यानंतर कारच्या लोनचे हप्ते कृष्णा भरत होता. कार रोहित राठोड वापरत होता. या गोष्टीवरुन कृष्णा याने रोहितला वारंवार हटकले.

कारच्या लोनचा हप्ता मी भरताे. तर कार तू कशी चालविणार यावरुन दोघांमध्ये काल बुधावारी रात्री वाद झाला. या वादातून रोहित राठोड याने कृष्णा चौधरीवर प्राणघातक हल्ला केला. या हल्ल्यात कृष्णा चौधरी जखमी झाला आहे. त्यावर रुग्णालयात उपचार सुरु आहेत. पोलिस रोहित राठोडचा शोध घेत आहेत.