मुंबईतील सायनमधून धक्कदायक बातमी समोर आली आहे. सायनमध्ये एका कुटुंबाला घराची शिफ्टिंग करणं महागात पडलं आहे. शिफ्टिंग कंपनीतील कर्मचाऱ्याने एका कुटुंबाचे सामान हलवताना ₹६.८ लाख किमतीचे सोन्याचे दागिने घेऊन पळून गेले. सायन पोलिसांनी या प्रकरणी चार आरोपींविरुद्ध गुन्हा दाखल केला आहे.

मिळालेल्या माहितीनुसार, तक्रारदार श्रद्धा मेहता (५५) आणि त्यांचे पती धर्मेश मेहता (५८) २०२२ पासून सायन येथील दोस्ती एलिटमध्ये भाड्याने राहत आहेत. त्यांची मुले परदेशात काम करतात. अलीकडेच, त्यांचा भाडे करार संपल्याने, या जोडप्याने फ्लॅट रिकामा करून सायनमधील तमिळ संगम रोडवरील शांती टॉवर येथील धर्मेशच्या भावाच्या मालकीच्या घरात राहण्याचा निर्णय घेतला.

१५ ऑक्टोबर रोजी श्रद्धा मेहता यांनी प्रवीण पांडे नावाच्या एका व्यक्तीशी संपर्क साधला, जो शिफ्टिंग सेवा देत होता. त्यांनी त्यांचे सामान पॅक करण्यासाठी बॉक्स पाठवले, जे जोडप्याने घरातील वस्तूंनी भरले. श्रद्धा आणि तिच्या घरकाम करणाऱ्या विद्या सावंत हिने त्यांचे सोन्याचे दागिने एका ट्रॅव्हल बॅगेत ठेवले होते. त्यानंतर प्रवीण पांडे हा त्याच्या सहकाऱ्यांसह मेहता यांच्या घरी पोहचला आणि मेहता यांच सर्व वस्तू नवीन ठिकाणी हलवल्या.

१६ ऑक्टोबर रोजी सामानाची तपासणी करताना मेहता कुटुंबाला आढळले की ६.८ लाख रुपयांचे दागिने असलेली ट्रॅव्हल बॅग गायब आहे. पांडेचा फोन बंद असल्याने त्याच्याशी संपर्क साधण्याचा प्रयत्न अयशस्वी झाला. आपली फसवणूक झाल्याचे लक्षात येताच श्रद्धाने सायन पोलिस स्टेशनशी संपर्क साधला आणि तक्रार दाखल केली.मेहता कुटुंबियांच्या तक्रारीनंतर संबंधित शिफ्टिंग कंपनीबाबत तक्रार नोंदवण्यात आली आहे. दरम्यान या शिफ्टिंग कंपनीबाबत याआधीही चोरीची तक्रार करण्यात आली होती.