Shocking News : एका दांपत्याला चार-पाच तरुणांनी मारहाण केली आणि त्यांना एका खोलीत बंद केले. त्यानंतर आरोपीने पती-पत्नी दोघांना कपडे काढायला भाग पाडले. नग्न अवस्थेत दांपत्याचे व्हिडीओ बनवण्यात आले. त्यांच्याकडून १० लाख रुपयांची खंडणी मागण्यात आली. ही धक्कादायक घटना हरियाणाच्या पलवलमध्ये घडली आहे.

मिळालेल्या माहितीनुसार, पीडित महिला अडीच वर्षांपूर्वी वर्षा नावाच्या एका महिलेसोबत काम करत होती. कामाच्या निमित्ताने त्यांच्यात मैत्री निर्माण झाली. जानेवारी महिन्यामध्ये वर्षाने पीडित महिलेकडून एक लाख रुपये उसने घेतले होते. ३ मे रोजी जेव्हा पीडित महिला वर्षाच्या घरी पैसे परत घेण्यासाठी गेली, तेव्हा वर्षाने माझ्या आईला डिस्कचा आजार असल्याचे कारण सांगत टाळाटाळ केली.

३१ मे रोजी वर्षाने पीडित महिलेला फोन केला. दुसऱ्या दिवशी वर्षी तिच्या आईसोबत माहेरी पोहोचली. तिने पीडित महिला आणि तिच्या नवऱ्याला देखील तेथे बोलावले होते. जेव्हा पती-पत्नी वर्षाच्या घरी पोहोचले, तेव्हा चार-पाच तरुणांनी त्या दोघांना मारहाण करण्यास सुरुवात केली. दांपत्याला घरातील एका खोलीत बंद केले.

मारहाण करणाऱ्या मारेकऱ्यांनी दांपत्याला जीवे मारण्याची धमकी दिली. त्यानंतर दोघांना कपडे काढण्यास भाग पाडले. त्यांनी दोघांचे नग्न अवस्थेत व्हिडीओ बनवले. हे नग्न अवस्थेतील व्हिडीओ व्हायरल करण्याची धमकी देखील मारेकऱ्यांनी दांपत्याला दिली. या बदल्यात मारेकऱ्यांनी दहा लाख रुपयांची मागणी केली. या सर्व कारस्थानामागे पीडितेची मैत्रीण वर्षा असल्याचे म्हटले जात आहे.