करोडी टोलनाक्यावर शुक्रवारी रात्री छत्रपती संभाजीनगर शहरातील काही व्यापा-यांना टोलनाक्यावरील कर्मचारी आणि त्यांच्या टोळक्याने बेदम मारहाण केल्याची घटना सीसीटीव्ही कॅमेरामध्ये कैद झाले आहे. यामध्ये एक जण गंभीर जखमी असून चाैघांना जबर मार लागला आहे. सर्व जखमींना खासगी रुग्णालयात उपचारार्थ दाखल करण्यात आले आहे.

या घटनेबद्दल जखमींपैकी एकाने दिलेली माहिती अशी : छत्रपती संभाजीनगर नजीकच्या करोडी टोलनाक्यावर टोल बॅरिगेट बंद का केलेत आणि गर्दी झाल्याने एक बॅरिगेट सुरू करा अशी विनंती करायला गेला हाेताे. तेव्हा तेथील काही जणांनी जबर मारहाण केली.

आम्ही कॉन्फरन्सला नाशिकला गेलाे हाेताे. ती संपल्यानंतर परत येत असताना टोल नाक्यावर मारहाणीचा प्रकार आमच्या साेबत घडला. तिथल्या कर्मचाऱ्यांनी गज, पाईप, बेल्ट, दगडाचा वापर करून मारहाण केली. या घटनेत एकाच्या डाेक्यावर प्रहार झाल्याने त्याच्या मेंदूला मार बसल्याचे व्यापा-याने साम टीव्हीशी बाेलताना सांगितले.

Edited By : Siddharth Latkar