पराग ढोबळे, साम प्रतिनिधी

महसूल गुप्तचर संचालनालयने (DRI) नागपूरमध्ये मोठी कारवाई केलीय. नागपूरच्या पाचपावली परिसरातील ड्रग्ज फॅक्टरीचा पर्दाफाश केलाय. मुंबई आणि पुणेच्या अधिकाऱ्यांनी ही कारवाई केलीय. डीआरआय विभाने टाकलेल्या छाप्यात द्रव्य स्वरूपातील ५२ किलो एमडी ड्रग्ज जप्त केलंय. नागपूरमध्ये हा कारखाना सुरू असल्याची माहिती DRI ला मिळाली होती. विशेष म्हणजे नागपुरात पाचपवली पोलीस स्टेशनच्या हद्दीत ही फॅक्टरी सुरू होती.

हाती आलेल्या माहितीनुसार, महसूल गुप्तवार्ता संचालनालयने टाकलेल्या छाप्यात शंभर किलोहून अधिक नशेसाठी लागणारे मेफेड्रोन नामक हे अमली पदार्थ जप्त करण्यात आलंय. कारवाई दरम्यान DRI च्या अधिकाऱ्यांनी हे द्रव्य स्वरूपात असलेले ड्रग्ज जप्त केले, त्याची बाजाराच अंदाजे किंमत ७८ कोटी रुपये इतकी आहे. DRI च्या अधिकाऱ्यांनी या कारखान्याचा मालक, फायनान्सरसह अन्य तिघांवर कारवाई केलीय. तपास अधिकारी आरोपींच्या मदतीने त्यांच्या अन्य साथीदारांचा शोध घेत आहेत.