मुंबई शहरातील घाटकोपर येथून धक्कादायक बातमी समोर आली आहे. दरोडेखोरांनी भरदिवसा वर्दळीच्या ठिकाणी ज्वेलर्सच्या दुकानात दरोडा टाकण्यात आला आहे. शिवाय काही गुंडानी हवेत गोळीबार देखील केला आहे. या घटनेने परिसरात भीतीचे वातावरण पसरले असून पोलीस या घटनेचा कसून तपास करत आहेत.

मिळलेल्या माहितीनुसार, घाटकोपर च्या अमृतनगर सर्कल येथे भरदिवसा दर्शन ज्वेलर्स वर दरोडा टाकण्यात आला. ही घटना आज सकाळी सुमारे साडे दहा वाजताच्या दरम्यान घडली. दर्शन ज्वेलर्समध्ये जवळपास १० च्या सुमारास दरोडेखोर घुसले. त्यांनी दागिने लुटण्याचा प्रयत्न केला. काही दागिने लुटून स्वतःकडे ठेवून घेतले. मात्र इतक्यात दरोडेखोरांना ज्वेलर्समालक दर्शन मिटकरी यांनी विरोध केला.

मिटकरी यांनी विरोध केला असता दरोडेखोर त्यांच्यावर अंगावर धावून गेले आणि वार करून पळू गेले. यांच्यातील दोन जण दुचाकी वर पळून गेले तर एक जण हातात बंदूक घेऊन पळत निघाला. त्याला पकडण्यासाठी आजूबाजूचे नागरिक त्याच्या मागे पळत गेले. मात्र त्याने नागरिकांना भीती दाखविण्यासाठी त्याच्याकडील बंदुकीतून दोन गोळ्या हवेत झाडल्या.

गोळ्या झाडून हा दरोडेखोर इंदिरा नगर च्या डोंगरावर पळून गेला. या घटनेची माहिती पोलिसांत कळवण्यात आली आहे. या दरोडेखोरांच्या विरोधात गुन्हा दाखल करण्यात आला आहे. पोलिसांनी या प्रकरणी तपास सुरु केला असून घटनास्थळी फॉरेन्सिक टीम, गुन्हे शाखा, वरिष्ठ पोलीस अधिकारी दाखल झाले आहेत. दरम्यान या घटनेने मुंबईत भीतीचे वातावरण निर्माण झाले आहे.