कॉलेजमध्ये शिकणाऱ्या एका विद्यार्थिनीवर अत्याचार झाल्याची घटना उघडकीस आली आहे. पीडितेच्या मित्राने साथीदारांसह तिचे तब्बल १६ महिने शोषण केले. सततच्या त्रासाला कंटाळून पीडित तरुणीने पोलीस ठाण्यात तक्रार दाखल केली आहे. ही घटना गुजरातच्या अहमदाबादमधील बनासकांठा येथे घडली आहे.

मिळालेल्या माहितीनुसार, पीडित तरुणी ही २० वर्षांची आहे. सहा महिन्यांपूर्वी तिची इन्स्टाग्राम या सोशल मीडिया प्लॅटफॉर्मवर एका तरुणाशी ओळख झाली. २०२३ मध्ये या तरुणीने पालनपूरच्या एका कॉलेजमध्ये प्रवेश घेतला. त्याच दरम्यान ती नोव्हेंबर २०२३ मध्ये इन्स्टाग्रामवर ओळख झालेल्या तरुणाला भेटायला एका हॉटेलमध्ये पोहोचली.

भेटीदरम्यान त्या तरुणाने पीडितेच्या कपड्यांवर मुद्दामून जेवण सांडले. त्यानंतर तो तरुण पीडितेला घाण झालेले कपडे बदलण्यासाठी हॉटेलमधल्या एका रुममध्ये घेऊन गेला. कपडे बदलत असताना तरुणाने पीडितेचे नग्न अवस्थेतील फोटो आणि व्हिडीओ काढले. या व्हिडीओवरुन आरोपीने पीडितेला ब्लॅकमेल केले.

अश्लील व्हिडीओ काढल्यानंतर आरोपी तरुणाने पीडितेला ब्लॅकमेल केले आणि तिच्यावर बलात्कार केला. पुढे त्याच्या सहा मित्रांनीही पीडित तरुणाचे शोषण केले. या सात जणांनी १६ महिन्यांच्या कालावधीत पीडितेवर वारंवार अत्याचार केले. पीडितेच्या तक्रारीनंतर आता पोलिसांनी या सात जणांच्या विरोधात तक्रार दाखल केली आहे.