- रामनाथ ढाकणे

छत्रपती संभाजीनगर सिल्लोड महामार्गावरील चिंचखेडा गावाजवळ कार आणि ट्रॅक्टरचा अपघात झाला. दोन्ही वाहनं एकमेकाला धडकल्यानंतर कार वरील चालकाचा ताबा सुटल्याने कार रस्त्याच्याकडेला असलेल्या घरात थेट घुसली. सुदैवाने या घटनेत कोणतीही जीवित हानी झाली नाही. मात्र घराचे माेठे नुकसान झाले आहे. (Maharashtra News)

संभाजीनगर कडून सिल्लोड कडे जाणारी कार आणि या दरम्यान समोरून येणारा ट्रॅक्टर शेती कामासाठी जात होता. त्यावेळी पाठीमागून आलेल्या भरधाव कारने या ट्रॅक्टरला जोराची धडक दिली.

हा अपघात इतका भीषण हाेता की कार थेट घरातच घुसली. या अपघाताच्या आवाजाने तसेच कार घरात घुसताच कुटुंबीयांनी घराबाहेर पळ काढला. या अपघातामध्ये ट्रॅक्टर चालक जखमी झाला आहे. दरम्यान कार घरात घुसल्याने घराचे आणि संसारपयोगी वस्तूंचे मिळून 2 लाख रुपयांचे नुकसान झाले आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar