चिखली विधानसभा मतदारसंघाच्या भाजपच्या आमदार श्वेता महाले यांचा बॉडीगार्डने आत्महत्या केल्याची घटना घडलीय. अजय शंकर गिरी असं या जवानाचं नाव आहे. मिळालेल्या माहितीनुसार बुधवारी सायंकाळी साडेचार वाजण्याच्या सुमारास अजय गिरी यांनी स्वतःवर गोळी झाडल्या. यानंतर त्यांना उपचारासाठी स्थानिय जिल्हा सामान्य रुग्णालयात नेण्यात आले. परंतु तेथील डॉक्टरांनी मृत घोषित केले. दरम्यान वरिष्ठ पोलीस अधिकारी आणि जिल्हा सामान्य रुग्णालयातील वरिष्ठ सूत्रांनी याची पुष्टी केली आहे.

बुलढाणा जिल्हा पोलीस दलात कार्यरत असलेले अजय गिरी हे आमदार श्वेता महाले यांचे बॉडीगार्ड म्हणून कार्यरत होते. ते बुलढाणा येथील पोलीस वसाहतीमध्ये राहत होते. अजय गिरी यांनी आत्महत्या का केली याचे कारण अद्याप समोर आले नाहीये.या प्रकरणाचा तपास पोलीस करत आहेत. आमदार श्वेता महाले यांचे बॉडीगार्ड असलेले अजय गिरी हे आज त्यांच्यासोबत ड्युटीवर नव्हते. त्यांनी स्वतःवर गोळ्या झाडून आत्महत्या केली. अजय गिरी यांनी घरघुती कारणावरून आत्महत्या केल्याचा संशय अंदाज व्यक्त करण्यात येत आहे.