किरकोळ कारणावरून एका व्यक्तीने आपल्या पत्नीची कुऱ्हाडीने हत्या केलीय. याप्रकरणी पोलिसांनी आरोपी पतीला अटक केली आहे. दोन्ही नवरा-बायकोमधील वादाचं क्षुल्लक कारण होतं बटाटा. भाजी बनवण्यासाठी मोठा बटाटा घेतला म्हणून नवऱ्याला राग अनावर झाला. त्याने मागचा पुढचा विचार न करता सपासप वार करत पत्नीचा जीव घेतला. ही धक्कादायक घटना घडलीय, बिहारमधील मधुबन जिल्ह्यात. या घटनेमुळे परिसरात मोठी खळबळ माजलीय.

हाती आलेल्या माहितीनुसार, सोनी देवी (वय २५) असं हत्या झालेल्या महिलेचं नाव आहे. तर या महिलेचं चार वर्षापूर्वी लग्न झालं होतं. विशेष म्हणजे तिने सहा पुर्वीच ती आई झाली होती. ज्या दिवशी तिची हत्या झाली त्यादिवशी दोन्ही नवरा-बायकोमध्ये वाद झाला होता. हा वाद अगदी एक क्षुल्लक कारणामुळे झाला होता. हा वाद भाजीसाठी मोठा बटाटा का घेतला? यावरून पती-पत्नीमध्ये वाद झाला. यात आरोपी पतीला राग अनावर झाला त्याने पत्नीची हत्या केली.

रागच्या भरात पतीने त्याच्या जवळ असलेली कुऱ्हाड हातात घेतली आणि मागचा पुढचा विचार करता त्याने पत्नीच्या गळ्यावर सपासप वार केले, यात सोनी देवी यांचा जागीच मृत्यू झाला. या घटनेची माहिती मिळताच पोलिसांनी घटनास्थळी धाव घेत पंचनामा केला. महिलेचा मृतदेह ताब्यात घेऊन पोस्ट मॉर्टमसाठी पाठवण्यात आलाय. या हत्येप्रकरणी पोलिसांनी आरोपी पतीला अटक केलीय. पोलिसांनी दिलेल्या माहितीनुसार, महिलेची हत्या केल्यानंतर आरोपीने पत्नीचा मृतदेह जाळण्याचाही प्रयत्न कलेा होता.

या प्रकरणात काहीजणांनी आरोपीला मदत केली त्यांच्याविरोधात कारवाई केली जाणार आहे. एफएसएळ टीम याप्रकरणी तपास करत आहे. पोलिसांनी घटनास्थळीवरून कु्ऱ्हाड जप्त केलीय. आरोपी दिल्ली येथील एका खासगी कंपनीत काम करत होता.

झोपेत असलेल्या बायकोवर कुऱ्हाडीने वार

चारित्र्यावर संशय घेत नवऱ्याने बायकोवर कुऱ्हाडीने वार केल्याची घटना यवतमाळमध्ये घडली होती. याप्रकरणी घाटंजी पोलिसांनी आरोपी नवऱ्याविरोधात गुन्हा दाखल करून त्याला अटक केली. प्रफुल्ल गौतम टिपले असं आरोपीचे नाव आहे. प्रफुल्लने बायकोच्या गळ्यावर कुऱ्हाडीने वार केले. या हल्ल्यात महिला गंभीर जखमी झाली.