Crime News:

तरुणाईमधील राग आणि चिडचिड मोठ्या प्रमाणावर वाढत चालली आहे. माणसाचा आपल्या मनावर आणि रागावर ताबा असणे गरजेचं असतं. मात्र अनेक तरुण मंडळी आपल्या मनासारखे न झाल्यास टोकाचे पाऊल उचलतता. आपल्या आई वडिलांप्रमाणेच आजी आजोबा देखील आपल्या नातवांवर खुप प्रेम करतात. आजी म्हणजे काय तर दूधावरची साय अशी माया आजी आपल्या नातवांना लावत असते. अशात बीडमधून नात्याला काळीमा फासणारी एक घटना समोर आली आहे. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

बीडच्या (Beed) लोणगावमध्ये एका तरुणाने आपल्या आजीची (Grandmother) निर्घृण हत्या केलीये. नातवाने 72 वर्षीय आजीच्या डोक्यात दगड घालून तिचा खून केल्याची धक्कादायक घटना बीडच्या माजलगाव तालुक्यातील लोणगाव येथे उघडकीस आलीय. कौशल्याबाई किसन राऊत असे मयत महिलेचे नाव आहे.

नातू राहुल बाळासाहेब राऊत वय 29 याच्याशी घरात किरकोळ कारणावरून आदीचा वाद झाला होता. पुढे या वादाचे रूपांतर भांडणात झाले. त्यामुळे नातवाला आजीचा खूप राग आला. त्याने याचा राग मनात धरून आजी कौशल्याबाई राऊत यांच्या डोक्यात दगड घालून खून केला. या प्रकरणी नातवाविरोधात दिंद्रुड पोलीस ठाण्यात गुन्हा दाखल करण्यात आला आहे.

झोपमोड केल्यामुळे भाडेकरुकडून घरमालकाची हत्या

पुण्यातही काल अशीच एक घटना समोर आली. घरासमोर दुचाकीचे जोरात हॉर्न वाजवून झोपमोड केल्यामुळे भाडेकरुने थेट घरमालकाची हत्या केली. भाडेकरूने मालकाला पाण्याच्या टाकीत बुडवून मारहाण करत हत्या केली आहे. पुण्यातील हडपसर रस्त्यावरील उरुळी देवी परिसरात ही घटना घडलीये. संतोष राजेंद्र धोत्रे असे अटक केलेल्या संशयिताचे नाव आहे.