- रामनाथ ढाकणे

Chhatrapati Sambhajinagar News :

छत्रपती संभाजीनगर शहरातल्या स्मार्ट सिटी बस स्वच्छतेच्या ठेकेदराची चार महिन्याचे सुमारे सात लाखाचे बिल काढण्यासाठी 40 हजार रुपयांची लाच घेताना स्मार्ट सिटीच्या सहाय्यक प्रकल्प व्यवस्थापकाला लाचलुचपत प्रतिबंधक विभागाने पकडले. ऋषिकेश श्रीरंग इंगळे असे लाच घेतलेल्या कर्मचाऱ्यांचे नाव आहे. त्याला अटक केल्याची माहिती पाेलिसांनी दिली. (Maharashtra News)

छत्रपती संभाजीनगर शहरामधील साई एजन्सीला स्मार्ट सिटी बस स्वच्छतेचे कंत्राट मिळाले आहे. या एजन्सीचे गत 4 महिन्यांचे बिल थकले होते. हे बिल काढून देण्यासाठी लाचेची मागणी करण्यात आली.

ऋषिकेश इंगळे यांनी 40 हजार रुपयांची मागणी केली होती. त्याला लाच घेताना एसीबीने पकडले. त्यानंतर त्याच्यावर बेगमपुरा पोलिस ठाण्यात गुन्हा दाखल करण्यात आला आहे. त्याच्यावर अटकेची कारवाई केल्याची माहिती पाेलिसांनी दिली.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar