Wipro CEO Salary Saam Tv
बिझनेस

Wipro CEO Salary: विप्रोच्या सीईओला मिळणाऱ्या पगारात येतील 2 प्राइव्हेट जेट, सॅलरी जाणून व्हाल थक्क; कोण आहेत श्रीनिवास पल्लीया?

Who Is Srinivas Pallia : विप्रोचे नवीन सीईओ श्रीनिवास पल्लिया सध्या आपल्या पगारामुळे खूपच चर्चेत आहेत. पल्लिया यांचा पगार इतका आहे की, त्यात सहज दोन प्रायव्हेट जेट खरेदी करता येईल.

साम टिव्ही ब्युरो

श्रीनिवास पल्लिया हे अलीकडेच विप्रोचे नवीन सीईओ झाले आहेत. सध्या ते त्यांच्या पगारामुळे खूपच चर्चेत आहेत. पल्लिया यांचा पगार इतका आहे की, त्यात सहज दोन प्रायव्हेट जेट खरेदी करता येईल. समोर आलेल्या माहितीनुसार, श्रीनिवास पल्लिया यांना 60 लाख डॉलर्स म्हणजेच जवळपास 50 कोटी इतका पगार आहे. हा त्यांचा वार्षिक पॅकेज आहे. स्वतः कंपनीने ही माहिती दिली आहे.

थियरी डेलापोर्ट यांनी अचानक राजीनामा दिल्यानंतर त्यांच्या जागी एप्रिलमध्ये पल्लिया यांची नवीन सीईओ आणि व्यवस्थापकीय संचालक म्हणून नियुक्ती करण्यात आली. विप्रोचे माजी सीईओ थियरी डेलापोर्ट यांना 80 कोटी रुपयांपेक्षा जास्तीचं वार्षिक पॅकेज दिलं जात होतं.

विप्रोने स्टॉक एक्स्चेंजला सांगितले की, पल्लिया यांचा वार्षिक पगार 35 लाख डॉलर्स ते 60 लाख डॉलर्स असेल. हे पॅकेज दोन प्रायव्हेट जेट खरेदी करता येईल, इतके आहे. एका छोट्या आणि हलक्या प्रायव्हेट जेटची किंमत 20 कोटी रुपये आहे. पल्लिया हे 7 एप्रिल 2024 पासून पुढील पाच वर्षांसाठी कंपनीचा कार्यभार सांभाळणार आहेत.

कोण आहेत श्रीनिवास पल्लिया?

श्रीनिवास पल्लिया यांनी इंडियन इन्स्टिट्यूट ऑफ सायन्समधून अभियांत्रिकीची पदवी आणि आयटीमध्ये पदव्युत्तर पदवी पूर्ण केल्यानंतर हार्वर्ड बिझनेस स्कूलमधून व्यवस्थापनाचा अभ्यास केला. ते 1992 पासून विप्रोशी संबंधित आहेत.

कंपनीत त्यांनी अनेक मोठी पदे सांभाळली आहेत. श्रीनिवास कंपनीच्या कंझ्युमर बिझनेस युनिट आणि बिझनेस अॅप्लिकेशन सर्व्हिसेसचे जागतिक प्रमुख देखील आहेत.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Anant Chaturdashi 2025 live updates : लालबागच्या राजाची विसर्जन मिरवणूक सुरु

Huawei Mate XTs: तीन स्क्रीन फोल्डेबल Huawei Mate XTs लाँच, दमदार प्रोसेसर, प्रिमियम कॅमेरा आणि अनेक फिचर्स

Rent Or Buy Home: रेंटवर राहावं की EMI वर घर खरेदी करावे? हक्काचं घर खरेदी करण्याआधी गणित समजून घ्या

Chandra Grahan 2025 : शेवटच्या चंद्रग्रहणाच्या सुतक काळाची वेळ काय?

Maharashtra Live News Update: फडणवीस कुटुंबीयांकडून अनंत चतुर्दशीनिमित्त पूजा

SCROLL FOR NEXT