केंद्र सरकारने काही दिवसांपूर्वी ८ व्या वेतन आयोगाची घोषणा केली होती. आठवा वेतन आयोग लागू झाल्यावर सरकारी कर्मचाऱ्यांच्या पगारात भरघोस वाढ होणार आहे. दर दहा वर्षांनी नवीन वेतन आयोग लागू केला जातो. गेल्या अनेक दिवसांपासून आठवा वेतन आयोग कधीपासून लागू होणार याबाबत चर्चा सुरु होती. दरम्यान, आता याबाबत मोठी अपडेट समोर आली आहे. (8th Pay Commission)

आठवा वेतन आयोग १ जानेवारी २०२६ पासून लागू करण्याचा प्रस्ताव ठेवण्यात आला आहे. म्हणजेच २०२५-२६ च्या आर्थिक वर्षाच्या शेवटच्या तीन महिन्यात आठवा वेतन आयोग लागू करु शकतो. सरकारने अद्याप याबाबत कोणतीही माहिती दिलेली नाही.

केंद्र मंत्री अश्विनी वैष्णव यांनी आठव्या वेतन आयोगाची घोषणा करताना सांगितले होते की, आयोग लागू करण्याची घोषणा केल्यानंतर अंबलबजावणीसाठी पुरेसा वेळ मिळेल.त्यामुळे कदाचित पुढच्या वर्षाच्या सुरुवातीला आठवा वेतन आयोग लागू होऊ शकतो. (8th Pay Commission News)

केंद्र सरकारने आठवा वेतन लागू करण्यासाठी आणि ५० लाख कर्मचारी आणि ६५ लाख पेन्शनधारकांच्या वेतन आणि भत्त्यांमध्ये सुधारणा करण्यासाठी समिती स्थापन केली आहे. यापूर्वी ७ व्या वेतन आयोगात २०१६ रोजी शिफारसी लागू करण्यात आल्या होत्या. त्यानंतर कर्मचाऱ्यांच्या पगारात वाढ झाली आहे. अद्याप आठव्या वेतन आयोगाच्या अंबलबजावणीबाबत निर्णय झालेला नाही. परंतु लवकरच याबाबत घोषणा होऊ शकते.

पगार किती वाढणार?

आठव्या वेतन आयोगात जर फिटमेंट फॅक्ट २.०८ निश्चित केला तर कर्मचाऱ्यांच्या पगारात १८,००० रुपयांवरुन ३७,४४० रुपये पगार वाढू शकतो. तर पेन्शन ९००० रुपयांवरुन १८,७२० रुपयांपर्यंत वाढू शकतो. जर फिमेंट फॅक्टर २.८६ झाला तर पगार १८६ टक्क्यांनी वाढू शकतो. यामुळे किमान वेतन ५१,४८० रुपये होई शकते. तर पेन्शन २५,७४० रुपये होऊ शकते.