यूपीएससी परीक्षा देऊन प्रशासकीय सेवेत काम करण्याचे अनेकांचे स्वप्न असते. परंतु अनेकदा आपल्याला स्पर्धा परीक्षा देताना अपयशाचा सामना करावा लागतो. त्यामुळे कितीही अपयश आले तरीही हार मानायची नाही. आपले स्वप्न पूर्ण करण्यासाठी मेहनत करायची. असंच स्वप्न सृष्टी मिश्रा यांच्या वडिलांनी पाहिलं. सृष्टी यांनी हे स्वप्न पूर्ण करण्यासाठी खूप मेहनत घेतली.

सृष्टी मिश्रा यांनी दुसऱ्या प्रयत्नात यूपीएससी परीक्षा पास केली. त्यांनी २०२३ यूपीएससी सीएसईमध्ये ९५ रँक प्राप्त केली.

आयपीएस सृष्टी मिश्रा या मूळच्या उत्तर प्रदेशच्या जौनपूर जिल्ह्यातील रहिवासी. त्यांचे वडिल विदेश मंत्रालयात अंडर सेक्रेटरी आहेत. तर आई गृहिणी आहे. सृष्टी यांनी आयएएस व्हावं, हे त्यांच्या वडिलांचे स्वप्न होते.

सृष्टी यांनी दिल्लीतील श्रीराम लेडी कॉलेज ऑफ कॉमर्समधून इकोनॉमिक्समध्ये ग्रॅज्युएशन पूर्ण केले. यानंतर फरीदाबाद येथे मावशीसोबत राहून यूपीएससी परीक्षेची तयारी केली.

रोज ८-८ तास अभ्यास

सृष्टी यांना पहिल्या प्रयत्नात अपयश मिळाले. त्यांनी प्रिलियम्स परीक्षादेखील पास केली नव्हती. परंतु यामुळे त्या निराश झाल्या नाहीत. याचसोबत त्यांनी आपल्या चुकांमधून शिकण्याचा निर्णय घेतला. त्यांनी रोज ८-१० तास अभ्यास केला. दुसऱ्या प्रयत्नात यूपीएससी परीक्षा देऊन त्या आयपीएस अधिकारी झाल्या.

मिडिया रिपोर्टनुसार, सृष्टी या परदेशात शिक्षण घेण्यासाठी गेल्या होत्या. त्यानंतर त्या पुन्हा भारतात परतल्या. त्यांनी यूपीएससी परीक्षेची तयारी केली. त्यांचा हा प्रवास लाखो तरुणांसाठी प्रेरणादायी आहे.