RBI repo rate hike October 2026 latest update : वाढती महागाई आणि आंतरराष्ट्रीय बाजारात कच्च्या तेलाचे वाढणारे दर रोखण्यासाठी रेपो रेट ०.२५% (२५ बेसिस पॉईंट्स) ने वाढवण्याचा निर्णय आरबीआयने घेतला आहे. भारतीय रिझर्व्ह बँकेच्या मौद्रिक धोरण समितीने (Monetary Policy Committee) हा निर्णय घेतला. आरबीआयचे गव्हर्न संजय मल्होत्रा यांनी याची आज घोषणा केली.

या वाढीनंतर मुख्य रेपो रेट ५.२५% वरून ५.५०% वर पोहोचला आहे. रिझर्व्ह बँकेच्या या निर्णयामुळे आता होम लोन, कार लोन आणि पर्सनल लोनच्या व्याजाचे दर वाढणार आहेत. रेपो रेट वाढल्यामुळे सर्वसामान्य ग्राहकांच्या महिन्याच्या ईएमआय (EMI) चा भार वाढणार आहे.

हप्ते (EMI) का वाढणार?

रिझर्व्ह बँकेने दर वाढवल्यामुळे बँकांना मिळणारे कर्ज महाग झाले आहे. त्यामुळे बँका आता ग्राहकांकडून होम लोन, कार लोन, पर्सनल लोनवर जास्त व्याज वसूल करतील. जर तुमचे कोणतेही कर्ज सुरू असेल, तर आता तुमचा महिन्याचा हप्ता (EMI) वाढेल किंवा तुमच्या कर्जाचा कालावधी (Tenure) वाढेल.

शेवटचा रेपो रेट कधी वाढला?

आरबीआयने (RBI) यापूर्वी फेब्रुवारी २०२३ मध्ये रेपो रेट ०.२५% ने वाढवून ६.५% केला होता. त्यानंतर २०२३-२४ या संपूर्ण वर्षात या दरांमध्ये कोणताही बदल केला नव्हता. त्यानंतर २०२५ मध्ये आरबीआयने व्याजदरात कपात (कमी करणे) करायला सुरुवात केली होती. आता रेपो रेट ५.२५% वरून ५.५०% वर वाढवला आहे.