Spicejet Offer For Ayodhya Flight Travel In 1622 Rupess:

२२ जानेवारीला अयोध्येत राममंदिराचे उद्घाटन झाले. पंतप्रधान नरेंद्र मोदींच्या हस्ते प्राणप्रतिष्ठा सोहळा पार पडला. यानिमित्त देशभरात आनंदाचे वातावरण आहे. परदेशातही राम मंदिराच्या उद्घाटनाचा आनंद साजरा केला आहे. राम मंदिराच्या उद्घाटनानिमित्त आता एअरलाइन कंपनीनेदेखील प्रवाशांसाठी एक खास ऑफर जाहीर केली आहे. (Latest News)

स्पाइसजेट या एअरलाइन कंपनीने वेगवेगळ्या शहरातून अयोध्येत विमानसेवा सुरू केली आहे. कंपनीने १६२२ रुपयांमध्ये फ्लाइट तिकीटे देण्याचे जाहीर केले आहे. कंपनी १६२२ रुपयांत मुंबई गोवा, दिल्ली- जयपूर, गुवाहाटी-बागडोगरा हे फ्लाइट तिकीट देते. त्यानंतर आता देशातील इतर भागांतून अयोध्येला जाणारी विमानसेवा कंपनी सुरु करणार आहे.

स्पाइसजेट कंपनी १ फेब्रुवारीपासून अयोध्येत विमानसेवा सुरु करणार आहे. विमानाची उड्डाणे चैन्नई, दिल्ली, अहमदाबाद, मुंबई, बेंगळुरु, जयपूर, पटना, दरभंगा या शहरांतून होणार आहेत.

स्पाइसजेटची ही ऑफर २२ जानेवारीपासून सुरू झाली आहे. ही ऑफर २८ जानेवारीपर्यंत उपलब्ध आहे. हा प्रवास तुम्ही ३० सप्टेंबर २०२४ पर्यंत करु शकता. ही ऑफर काही शहरांमधूनच सुरु करण्यात आला आहे. ग्रुप बुकिंगसाठी ही ऑफर नाही आहे. तसेच जर तुम्ही तिकीट रद्द केले तर तुम्हाला काही चार्जसह पैसे परत दिले जातील. या ऑफरमध्ये तुम्हाला जेवणावर ३० टक्के सूट देण्यात येणार आहे. तुम्ही हे बुकिंग स्पाइसजेटच्या अॅपवरुन करु शकता.