केंद्र सरकार देशातील नागरिकांसाठी नेहमी नवनवीन योजना राबवत असते. या योजनांमुळे सर्वसामान्य नागरिकांना आर्थिक मदत मिळते. सरकार तरुणांना स्वतः चा व्यवसाय सुरु करण्यासाठी कोणत्याही हमीशिवाय कर्ज देते. अशीच एक योजना म्हणजे पीएम विश्वकर्मा योजना. पीएम विश्वकर्मा योजनेअंतर्गत स्वतः चा बिझनेस सुरु करण्यासाठी सरकार आर्थिक मदत करते.

पंतप्रधान नरेंद्र मोदी यांनी २०२३ मध्ये ही योजना सुरु केली आहे.या योजनेअंतर्गत विविध क्षेत्रातील कामगारांना स्वतः चा व्यवसाय सुरु करण्यासाठी प्रोत्साहन दिले जाते. देशातील पारंपारिक कौशल्यांना पाठिंबा देण्यासाठी ही योजना सुरु करण्यात आली आहे. या योजनेअंतर्गत १८ ट्रेडना लाभ मिळतो.

पीएम विश्वकर्मा योजनेअंतर्गत नागरिकांना ३ लाखांचे लोन दिले जाते. स्वतः चा व्यवसाय सुरु करण्यासाठी सुरुवातील भांडवल म्हणून ही मदत केली जाते. या योजनेअंतर्गत कर्जाशिवाय कामगारांना स्किल डेव्हलपमेंट ट्रेनिंग दिले जाते. ज्यामुळे त्यांना स्वतः चा व्यवसाय सुरु करण्यासाठी अडचणी येत नाही.

या योजनेअंतर्गत उमेदवारांना लोन दोन टप्प्यांमध्ये दिले जाते. सुरुवातील व्यवसाय सुरु करण्यासाठी १ लाख रुपये दिले जातील त्यानंतर बिझनेस वाढवण्यासाठी मार्केटिंग करण्यासाठी २ लाख रुपये दिले जातात. या कर्जावर ५ टक्क्यांनी व्याज दिले जाते. याचसोबत स्किल डेव्हलपमेंट ट्रेनिंग दिले जाते. या दरम्यान नागरिकांना ५०० रुपयांची स्टायपेंड दिली जाते.

या योजनेअंतर्गत धोबी, कारपेंटर, मूर्तिकार अशा अनेक कर्मचाऱ्यांना लाभ दिला जातो. या योजनेचा लाभ फक्त भारतीय नागरिक घेऊ शकतात. या योजनेसाठी १८ ते ५० वयोगटातील उमेदवार अर्ज करु शकतात. या उमेदवारांकडे मान्यताप्राप्त संस्थेतून संबंधित ट्रेडसंदर्भात सर्टिफिकेट असणे गरजेचे आहे.या योजनेसाठी अर्ज करण्यासाठी तुम्हाला www.pmvishwakarma.gov.in या वेबसाइटला भेट द्यावी लागेल. तिथे तुम्हाल अर्ज करण्यासाठी फॉर्म दिसेल. तो फॉर्म भरुन तुम्ही या योजनेसाठी अर्ज करु शकतात.