देशातील कोट्यवधी शेतकरी पीएम किसान योजनेचा लाभ घेत आहेत.शेतकऱ्यांना आर्थिकदृष्ट्या मदत व्हावी, या उद्देशातून ही योजना सुरु करण्यात आली आहे. या योजनेत वर्षभरात ६००० रुपये दिले जातात. दरम्यान, तीन हप्त्यांमध्ये प्रत्येकी २००० रुपये दिले जातात. पीएम किसान योजनेत आतापर्यंत २१ हप्ते देण्यात आले आहेत. आता २२वा हप्ता कधी येणार असा प्रश्न विचारला जात आहे.

पीएम किसान योजनेत थेट डीबीटीद्वारे शेतकऱ्यांच्या खात्यात पैसै जमा केले जातात. काही दिवसांपूर्वी २१वा हप्ता देण्यात आला. हा हप्ता उशिरा देण्यात आला. त्यामुळे पुढचा हप्तादेखील उशिरा येणार असल्याचे बोलले जात आहे.

पीएम किसान योजनेचा २२वा हप्ता कधी मिळणार? (PM Kisan Yojana 22nd Installment Date)

मिडिया रिपोर्टनुसार, पीएम किसान योजनेचा २२वा हप्ता हा फेब्रुवारीमध्ये येण्याची शक्यता आहे. दरम्यान, सरकारने याबाबत कोणतीही अधिकृत घोषणा केलेली नाही. दरम्यान, शेतकऱ्यांना केवायसी केलेल्या शेतकऱ्यांनाच पैसे मिळणार आहेत. त्यामुळे शेतकऱ्यांना केवायसी करण्याचे आश्वासन केले आहे.

पीएम किसान योजनेचा लाभ कधी दिला जातो? (PM Kisan Yojana Installment Update)

पीएम किसानचा हप्ता चार महिन्यांनी २००० रुपये दिले जातात.एप्रिल ते जुलैदरम्यान एक हप्ता दिला जातो. ऑगस्ट ते नोव्हेंबर आणि डिसेंबर आणि मार्चदरम्यान पैसे दिले जातात. त्यामुळे आताचा हा २२वा हप्ता फेब्रुवारीमध्ये दिली जाण्याची शक्यता आहे.

ईकेवायसी का गरजेचे? (PM Kisan Yojana ekyc Mandatory)

पीएम किसान योजनेत केवायसी करणे अनिवार्य आहे. तुम्हाला अधिकृत वेबसाइटवर जाऊन केवायसी करायचे आहे.

यासाठी सर्वात आधी वेबसाइटवर जाऊन ईकेवायसीवर क्लिक करा.

यानंतर तुमचे आधार नंबर आणि फोन नंबर टाका. त्यानंतर तुम्हाला ओटीपी टाका.

तुम्ही ऑफलाइन पद्धतीने सीएससी सेंटरवर जाऊनदेखील ईकेवायसी पूर्ण करु शकतात.

ई केवायसी केल्यानंतर तुम्हाला पीएम किसानचा हप्ता वेळेवर मिळणार आहे.