प्रत्येक नोकरी करणारी व्यक्ती तिच्या पगारातला काही टक्के भाग पीएफमध्ये साठवून ठेवत असते. त्याने भविष्यात आर्थिक अडचणींच्या वेळेस त्याला फायदा होतो. त्यामुळे पीएफ काढण्याच्या नियमांकडे कर्मचाऱ्यांनी लक्ष दिलं पाहिजे. कारण नुकतेच कर्मचारी भविष्य निर्वाह निधी संघटनेने पीएफमधून पैसे काढण्याच्या नियमात महत्त्वाचे केले आहेत.
कर्मचारी भविष्य निर्वाह निधी योजना २०२६ अंतर्गत नोकरी सोडल्यानंतर संपूर्ण PF रक्कम काढण्यासाठी तसेच EPS म्हणजेच कर्मचारी पेन्शन योजनेतील विड्रॉल बेनिफिटसाठी वेटिंग पीरियड निश्चित करण्यात आला आहे. त्यामुळे कर्मचाऱ्यांना पीएफ कधी आणि किती काढता येईल, याबाबत जाणून घेणे महत्त्वाचे आहे.
सरकारने लोकसभेत दिलेल्या माहितीनुसार, नोकरी सोडल्यानंतर लगेच संपूर्ण EPF बॅलन्सचा अंतिम सेटलमेंट करता येणार नाही. यासाठी १२ महिन्यांचा वेटिंग पीरियड ठेवण्यात आला आहे.
EPS अंतर्गत विड्रॉल बेनिफिट घेण्यासाठी ३६ महिन्यांचा वेटिंग पीरियड लागू करण्यात आला आहे. त्यामुळे EPS मधली रक्कम काढण्यासाठी पात्र सदस्यांना ठरलेल्या कालावधी पूर्ण होण्याची वाट पाहावी लागेल.
वेटिंग पीरियड असला तरी कर्मचाऱ्यांना PF मधून आंशिक किंवा अॅडव्हान्स रक्कम काढण्याची सुविधा सुरू राहणार आहे. आवश्यक गरजा, घराशी संबंधित खर्च आणि विशेष परिस्थिती अशा तीन प्रमुख श्रेणींमध्ये PF काढता येईल.
गरजेच्या वेळेस EPFO सदस्य वर्षातून दोन वेळा PF बॅलन्सच्या ७५% पर्यंत रक्कम काढू शकतात. यासाठी काही परिस्थितींमध्ये कारण सांगण्याची आवश्यकता नसल्याचे सरकारने स्पष्ट केले आहे. मात्र लागू नियम आणि पात्रतेच्या अटी पूर्ण करणे आवश्यक असेल.
नव्या नियमांनुसार PF खात्यात किमान २५% रक्कम शिल्लक ठेवण्याची अट देखील चर्चेत आहे. त्यामुळे संपूर्ण PF बॅलन्स काढण्यावर मर्यादा राहणार आहे. हे बदल EPFO च्या केंद्रीय विश्वस्त मंडळाच्या (CBT) २३८ व्या बैठकीत चर्चेनंतर पुढे नेण्यात आले. CBT मध्ये कर्मचारी संघटना, नियोक्ता आणि सरकारचे प्रतिनिधी सहभागी असतात.
EPFO कडून नवीन नियमांची माहिती सदस्यांपर्यंत पोहोचवणे, तक्रारींचे निराकरण मजबूत करणे आणि डिजिटल क्लेम सेटलमेंट जलद करण्यावरही भर दिला जात आहे. त्यामुळे कर्मचाऱ्यांनी PF काढण्यापूर्वी लागू नियम आणि आपली पात्रता तपासणे महत्त्वाचे आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.