Ladki Bahin Yojana June Month Installment : गेल्या आठवड्यात राज्यातील पात्र महिलांच्या खात्यात लाडकी बहीण योजनेचा मे महिन्याचा १५०० रूपयांचा हप्ता जमा झाला. त्यानंतर आता राज्यातील लाभार्थी महिला जून महिन्याच्या (Ladki Bahin Yojana) हप्त्याची वाट पाहत आहेत. जून महिना संपण्यासाठी १० दिवसांपेक्षा कमी वेळ राहिलाय, मात्र हप्त्याबाबत कोणतीही अपडेट सरकारकडून देण्यात आलेली नाही. त्यातच २९ जून रोजी वटपौर्णिमा (Vat Purnima) सण आहे. त्यामुळे जून महिन्याचा हप्ता वटपौर्णिमाला येणार का? अशी महिलांमध्ये चर्चा आहे. (Ladki Bahin Yojana Maharashtra)

लाडक्या बहिणीचा हप्ता किती महिलांना मिळाला? (ladki bahin yojana)

लाडक्या बहिणीला दर महिन्याला १५०० रुपयांची मदत केली जाते. सरकारने त्यासाठी काही अटीही ठेवल्या आहेत किंवा काही पात्र महिलांनाच त्याचा फायदा मिळणार असं सांगितलं आहे. तर आत्तापर्यंत राज्यात सुमारे १ कोटी ७७ लाख महिला पात्र ठरल्या.

जून महिन्याचा हप्ता कधी जमा होणार?

आता मे महिन्याचा हप्ता जमा झाला आहे. तर पुढचा म्हणजेच जून महिन्याचा हप्ता हा वटपौर्णिमेच्या दिवशी जमा होण्याची शक्यता. याच दिवशी लाडकीला वटपौर्णिमेला भेट म्हणून खात्यात १५०० रुपये पाठवले जाऊ शकतात. कारण हा सण महिलांसाठी अत्यंत महत्वाचा असतो. सरकारचा हा निर्णय महिलांना नक्कीच खुश करेल. पण अद्याप त्याची खात्री झालेली नाही. तसेच सरकारकडून अधिकृत माहितीही आलेली नाही.

लाडक्या बहिणीचा हप्त्याचे स्टेटस कसे तपासायचे?

तुम्हाला लाडक्या बहिणीचा हप्ता जमा झालेला आहे की नाही? हे तपासायचं असेल तर तुम्ही पुढच्या काही स्टेप्स फॉलो करू शकता. त्यामध्ये सर्वात आधी तुम्ही लॉगिन करताना किंवा अर्ज करताना वापरलेला ईमेल आयडी आणि पासवर्ड तुमच्याकडे असायला हवा.

स्टेप बाय स्टेप प्रोसेस

आता तुम्ही https://ladakibahin.maharashtra.gov.in/ या अधिकृत वेबसाइटला भेट द्या. मग Applicant login हा ऑप्शन निवडा, तिथे मागितली जाणारी माहिती भरा. तुमचा पासवर्ड टाका. तुम्ही नवीन पासवर्डही तयार करू शकता. ही माहिती सबमिट करा. मग अॅप्लिकेशन्स सबमिटेड मध्ये अॅक्शन या पर्यायवर क्लिक करून संपूर्ण माहिती मिळवता येईल.