झोहोचे अरत्ताई चॅटिंग अ‍ॅप आणि उला ब्राउझर अलिकडच्या काळात खूप लोकप्रिय झालेत. आता आणखी एक मेड-इन-इंडिया अॅप चर्चेत आलंय. केंद्रीय मंत्री अश्विनी वैष्णव यांना भारतात विकसित केलेल्या मॅपल्स नेव्हिगेशन अॅपचा वापर करताना दिसले. त्यांनी भारतीय युझर्सला हे अ‍ॅप वापरण्याचे आवाहनदेखील केलंय. हे अ‍ॅप गुगल मॅप्सला टक्कर देणारं आहे. या अ‍ॅपमध्ये व्हॉइस-गाइडेड दिशानिर्देश आणि हायपर-लोकल सर्चसह अनेक फीचर्स असणार आहेत.

३डी जंक्शन व्ह्यू

MapmyIndia ने Mappls मॅपल्स अ‍ॅप विकसित केलंय. युझर्सला स्थानिकीकृत, सुरक्षित आणि युझर्ससाठी अनुकूल मॅपिंग अनुभव देईल, असा दावा कंपनीकडून करण्यात येत आहे. या अ‍ॅपमध्ये 3D जंक्शन व्ह्यू नावाचे फीचर आहे. जे युझर्सला ओव्हरब्रिज आणि अंडरपासबद्दल स्पष्ट माहिती देत असते. यामुळे गाडी चालवताना युझर्सचा गोंधळ उडणार नाही.

आपण अनेकदा पाहिलंय की, गुगल मॅप्स वापरताना अनेकांचा गोंधळ उडत असतो. कारण त्यात तसे फीचर्स नाहीये. यासह मॅपल्स इनडोअर नेव्हिगेशन देखील देत असते. ज्यामुळे मोठ्या इमारती आणि कॉम्प्लेक्समध्ये नेव्हिगेट करणे सोपे होते. हे फीचर्स गुगल मॅप्ससह अनेक प्लॅटफॉर्मवर उपलब्ध नाहीये.

Mappls युझर्सचा डेटा भारतातच साठवला जातो. गुगल आणि अ‍ॅपल मॅप्सप्रमाणे या अ‍ॅपचा डेटा परदेशात साठवला जात नाही. दरम्यान हे अ‍ॅप वापरण्याचे आवाहन करताना माहिती आणि प्रसार मंत्री अश्विनी वैष्णव यांनी सांगितलं की, या अ‍ॅपचा वापर भारतीय रेल्वे सेवेतही करता येणार. MapmyIndia ने इंडिया पोस्टच्या सहकार्याने, आम्ही डिजिटल अ‍ॅड्रेस सिस्टम DIGIPIN लाँच केली आहे. ही प्रणाली देशातील प्रत्येक 3.8 चौरस ब्लॉकसाठी एक अद्वितीय डिजिटल कोड तयार करते. यामुळे नकाशावर कोणतेही स्थान शोधणे सोपे होत असते.