मुख्यमंत्री माझी लाडकी बहीण योजनेचा लाभ घेणाऱ्या राज्यातल्या लाखो महिलांसाठी अत्यंत आनंदाची बातमी समोर आली आहे. आतापर्यंत या योजनेचा लाभ हा महिन्याच्या दुसर्‍या किंवा तिसऱ्या आठवड्यामध्ये मिळालेला आहे. तर आता महिलांच्या खात्यात येत्या ३ दिवसांत जून महिन्याचा १५०० रुपये हप्ता जमा होण्याची शक्यता आहे.

लाडकी बहीण योजनेचा लाभ महिलांना होतोच आहे. महिलांना दैनंदिन खर्चासाठी आणि आर्थिक दृष्ट्यासक्षम होण्यासाठी ही योजना राबवण्यात आली आहे. दर महिन्याला या योजनेअंतर्गत १५०० रुपयांचा निधी महिलांच्या खात्यात पाठवला जातो. तर जून महिन्याचा हप्ता जुलै महिन्याच्या १५ ते १७ तारखेपर्यंत जमा होण्याची शक्यता आहे.

समजा काही तांत्रिक कारणांमुळे १५ जुलैपर्यंत खात्यात पैसे आले नाही, तर जून आणि जुलै या दोन्ही महिन्यांचे मिळून एकूण ३००० रुपये महिलांच्या खात्यात एकत्र जमा होण्याची शक्यता आहे. मात्र त्यासाठी लाभार्थी महिलांना आणखी ३ दिवस वाट पाहावी लागणार आहे.

तर यापुर्वी मार्च आणि एप्रिल महिन्याचे पैसे एकत्रच १७ ते २० मे दरम्यान महिलांच्या खात्यात जमा झाले होते. तर मे महिन्याचा हप्ता हा १५ जून नंतर मिळाला होता. त्यामुळे उशीर झाला तरी पैसे सुरक्षित महिलांना मिळतील अशी शक्यता आहे.

महाराष्ट्रात जवळपास १ कोटी ७० लाख महिला या योजनेचा लाभ घेत आहेत. दरम्यान सरकारने अजून या हप्त्याबद्दल कोणतीही अधिकृत घोषणा केलेली नाही. त्यामुळे महिलांनी सोशल मीडियावरच्या कोणत्याही अफवांवर विश्वास ठेवू नका आणि फक्त शासनाच्या अधिकृत माहितीकडेच लक्ष द्यावं, असं आवाहन करण्यात आलं आहे.