Ladki Bahin Yojana Update : उपमुख्यमंत्री आणि वित्त व नियोजन मंत्री अजित पवार यांनी सोमवारी 2025-26 साठी राज्याचा अर्थसंकल्प सादर केला. सगळ्यांचं लक्ष मुख्यमंत्री लाडकी बहिण योजनेकडे होते. ज्या योजनेमुळे महायुती सत्तेत आली त्या योजनेत 1500 रुपयांवरुन 2100 रुपये हफ्ता करणार का? याची उत्सुकता होती.

मात्र विधानसभा निवडणुकीच्या प्रचारात 2100 रुपये देण्याची घोषणा अखेर हवेतच विरली आहे. त्यामुळे लाडकींची मात्र निराशा झाली आहे. या योजनेंतर्गत सुमारे 2 कोटी 53 लाख लाभार्थी महिला आहेत. त्यांना 33 हजार 232 कोटी रुपये निधीचे वाटप झालं आहे. सन 2025-26 मध्ये या योजनेकरीता एकूण 36 हजार कोटी रुपयांची तरतूद केली आहे.

लाडक्या बहिणींच्या पडताळणीत गेल्या दोन महिन्यात 9 लाख लाडकींना वगळलं आहे. आणि अजूनही ही पडताळणी सुरूच आहे. सरकारची तिजोरी खाली असल्यानं भविष्यात हा आकडा आणखी किती लाखांनी वाढणार हे पाहणं महत्वाचं आहे. मात्र त्यामुळे लाडकींचं टेन्शन वाढलं आहे. हे मात्र निश्चित