सध्या LPG चे दर वाढले आहेत. त्यामुळे नागरिकांच्या खिशाला चांगलाच फटका बसला आहे. इतकंच नाहीतर LPG सिलेंडर बूक केल्यानंतर तुम्हाला तो २५ ते ४० दिवसांनी मिळेल असा नवीन नियम लागू केला. यात आणखी महत्वाचे बदल सरकारने केले आहेत. ते जर तुम्ही केले नाहीत तर LPG कनेक्शन होईल बंद होण्याची शक्यता आहे. हा नियम १ मे २०२६ पासून जगभरात लागू करण्यात आला आहे.
नुकताच सरकारने डबल गॅस कनेक्सशन बाबतीतचा महत्वाचा निर्णय घेतला आहे. जर तुमच्याकडे LPG गॅस कनेक्शन आहे आणि तुमच्या घरात किंवा जवळच्या परिसरात गॅसची पाईपलाईन असेल तर तुम्हाला LPG सिलेंडर सरेंडर करावा लागेल. नाहीतर तुम्हाला गॅस सप्लाय होणार नाही. हा नियम १ मे पासून लागू करण्यात आला आहे.
नवीन नियमांनुसार, प्रत्येक LPG वापरणाऱ्याने e-KYC व्हेरिफिकेशन पूर्ण करणं खूप महत्वाचं आहे. ज्यांनी अजून आधारची लिंक केलं नाही, किंवा केवायसी पूर्ण केली नाही, त्यांना सिलेंडर मिळताना खूप अडचणींना सामोरं जावं लागतं. तसेच बऱ्याच शहरांमध्ये OTP वर सिलेंडरची डिलिव्हरी सिस्टीम सुरु करण्यात येणार आहे. त्यामध्ये गॅस सिलेंडर मिळवताना तुमच्या रजिस्टर मोबाईलवर आलेला OTP देणं अनिवार्य असणार आहे.
ज्या ग्राहकांनी जून 2025 पूर्वी शेवटचा सिलेंडर रिफिल केलाय, त्यांना 'इनअॅक्टिव्ह' युजर म्हणून ग्राह्य धरलं जाईल. अशा ग्राहकांनी तातडीने e-KYC पूर्ण करणं गरजेचं आहे. नाहीतर नवीन सिलेंडर बुकिंग करताना अडचणी येऊ शकतात. हे नियम लागू झाल्यानंतर त्याकडे दुर्लक्ष केल्यानंतर अचानक गॅस सेवा बंद होऊ शकतात. सबसिडी मिळणाऱ्या ग्राहकांवर याचा थेट परिणाम होऊ शकतो. म्हणूनच तुमचं आधार लिंक आहे का, e-KYC पूर्ण आहे का आणि मोबाईल नंबर अपडेट आहे का, हे लगेच तपासा.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.