लाडकी बहीण योजनेबाबत रोज नवनवीन अपडेट समोर येत असतात. लाडक्या बहि‍णींना आता जून महिन्याच्या हप्त्याची प्रतिक्षा लागली आहे. मे महिन्याचा हप्ता खात्यात जमा झाला. त्यानंतर जूनचा हप्ता कधी जमा होणार असा प्रश्न विचारला जात आहे. त्यापूर्वी आता काही लाडक्या बहि‍णींना कधीच या योजनेचा लाभ मिळणार नाहीये. सरकारने लाडकी बहीण योजनेच्या लाभार्थ्यांची पुन्हा पडताळणी सुरु केली आहे.

या महिलांना कधीच मिळणार नाही लाडकी बहीण योजनेचा लाभ (These Women Will not Get Benefit Of Ladki Bahin Yojana)

लाडकी बहीण योजनेत अनेक महिलांनी नियमांबाहेर जाऊन लाभ घेतला आहे. लाडकी बहीण योजनेच्या लाभार्थ्यांसाठी काही नियम ठरवले आहेत. या नियमांमध्ये न बसणाऱ्या महिलांचे अर्ज आता बाद केले जाणार आहे. यासाठी पुन्हा पडताळणी सुर करण्यात आली आहे. अनेक महिलांनी निकषाबाहेर जाऊन योजनेचा लाभ गेतला आहे. असं लक्षात आल्यावर सरकारने पु्न्हा पडताळणी सुरु केली आहे. यात तब्बल अडीच हजार सरकारी कर्मचारी असलेल्या महिलांनी लाभ घेतला आहे.

आयकर विभाग करणार तपासणी (Income Tax Department Do Verification)

लाडकी बहीण योजनेसाठी महत्त्वाची अट म्हणजे महिलांच्या कुटुंबाचे उत्पन्न अडीच लाखांपेक्षा जास्त नसावे. परंतु अनेक महिलांनी या नियमांचे उल्लंघन करुन योजनेचा लाभ घेतला आहे. त्यामुळे आता आयकर विभागाकडून तपासणी केली जाणार आहे. आयकर विभाग लाडकी बहीण योजनेच्या लाभार्थ्यांच्या उत्पन्नाची माहिती सरकारला देणार आहे. यातून ज्या महिला आयकर भरतात, ज्यांचे उत्पन्न अडीच लाखांपेक्षा जास्त आहे, त्यांना या योजनेचा लाभ मिळणार नाही.

याचसोबत ज्या महिला महाराष्ट्राच्या रहिवासी नाहीत तरीही त्यांनी योजनेचा लाभ घेतला त्यांनाही योजनेचा लाभ मिळणार नाही. ज्यांच्याकडे चार चाकी वाहने आहेत अशा महिलांनाही योजनेचा लाभ मिळणार नाहीये.