डिसेंबर महिन्याचे पहिले १५ दिवस उलटून गेले तरीही अजूनही महिलांच्या खात्यात पैसे जमा झाले नाहीत. नोव्हेंबरसोबतच आता डिसेंबरचा हप्तादेखील दिला नाही. त्यामुळे महिलांना पैसे कधी मिळणार असा प्रश्न विचारला जात आहे. दरम्यान, आता नोव्हेंबर, डिसेंबरचा हप्ता लांबणीव जाण्याची शक्यता वर्तवली जात आहे. याचसोबत आता नोव्हेंबर, डिसेंबर आणि जानेवारीचा असे तीन महिन्याचे पैसे एकत्र येणार असल्याचेही बोलले जात आहे.

लाडकीच्या खात्यावर येणार ४५०० रुपये? (Ladki Bahin Yojana Women Will get 4500 Rupees Installment)

लाडकी बहीण योजनेत नोव्हेंबर- डिसेंबरचा हप्ता एकत्र येणार असल्याची चर्चा सुरु आहे. अशातच जानेवारीचा हप्तादेखील याचसोबत दिला जाण्याची शक्यता वर्तवली जात आहे. कदाचित जानेवारी महिन्यातच हे तिन्ही हप्ते दिले जाऊ शकते. तीन महिन्याचे एकूण ४५०० रुपये एकत्र दिले जाऊ शकतात. दरम्यान, याबाबत कोणतीही अधिकृत माहिती समोर आलेली नाही.

लाडक्या बहि‍णींना पैसे येण्यास उशिर होण्याची कारणे (Ladki Bahin Yojana Installment Delay Reasons)

लाडकी बहीण योजनेत महिलांना पैसे उशिरा येण्यामागे कारण म्हणजे स्थानिक स्वराज्य संस्थांच्या निवडणुका. स्थानिक स्वराज्य संस्थांच्या निवडणुका असल्यामुळे या काळात निधी दिला नसल्याचे बोलले जात आहे. त्यानंतर जेव्हा निधी पास होईल, तेव्हा महिलांच्या खात्यात पैसे जमा होतील. त्यामुळे नगरपरिषद आणि नगरपंचायतीच्या निवडणुका झाल्यानंतर महिलांच्या खात्यात पैसे जमा केले जाण्याची शक्यता आहे.