नोव्हेंबर महिना सुरु झाला आहे. नोव्हेंबर महिना सुरु होताच लाडकी बहीण योजनेच्या लाभार्थी महिला हप्ता कधी येणार असा प्रश्न विचारत आहेत.दरम्यान, अजून ऑक्टोबरचा हप्ता जमा झालेला नाही. ऑक्टोबर आणि नोव्हेंबरचा हप्ता एकत्र येणार असल्याचे बोलले जात आहे. याबाबत अद्याप अधिकृत माहिती समोर आलेली नाही.

ऑक्टोबर संपला तरीही अद्याप महिलांच्या खात्यात १५०० रुपये जमा झाले नाहीत. आता नोव्हेंबरच्या पैशांची महिला वाट पाहत आहेत. नोव्हेंबरच्या पहिल्या दोन आठवड्यात पैसे येण्याची शक्यता वर्तवली जात आहे.

नोव्हेंबरचा हप्ता कधी येणार? (Ladki Bahin Yojana November Installment Date)

नोव्हेंबर महिन्याचा स्थानिक स्वराज्य संस्थांच्या निवडणुका लागण्याची शक्यता आहे. या निवडणुका जाहीर होण्याआधीच पैसे दिले जाऊ शकतात. निवडणुका जाहीर झाल्यावर आचारसंहिता लागू होते. आचारसंहिता लागू झाल्यावर कोणत्याही सरकारी योजनेअंतर्गत निधी दिला जात नाही. त्यामुळे महिलांना आचारसंहिता लागू होण्याआधीच पैसे दिले जाण्याची शक्यता आहे.

ऑक्टोबर- नोव्हेंबरचे ३००० रुपये एकत्र येणार? (Ladki Bahin Yojana October November Installment Update)

लाडकी बहीण योजनेत ऑक्टोबरचा हप्ता अजून दिलेला नाही. त्यामुळे ऑक्टोबर-नोव्हेंबरचे पैसे एकत्र येण्याची शक्यता वर्तवली जात आहे. निवडणुकीची घोषणा होण्याआधी हे पैसे दिले जाऊ शकतात. मात्र, याबाबत कोणतीही अधिकृत माहिती समोर आलेली नाही. लवकरच हे पैसे दिले जातील.

लाडक्या बहिणींच्या केवायसीची अंतिम तारीख

लाडकी बहीण योजनेत केवायसी करण्याची शेवटची तारीख १८ नोव्हेंबर आहे.१८ सप्टेंबरपासून केवायसी करण्यास सुरु केले आहे. दोन महिन्यात तुम्हाला केवायसी पूर्ण करायची आहे. जर तुम्ही केवायसी केली नाही तर तुम्हाला पुढील हप्ते मिळणार नाही.