लाडकी बहीण योजनेच्या लाभार्थ्यांना केवायसी करणे अनिवार्य केले आहे. जर केवायसी केली नाही तर त्यांना योजनेचा लाभ मिळणार नाही. लाडकी बहीण योजनेत केवायसी करताना अनेक महिलांनी काही चुका केल्या आहेत. त्यामुळे त्यांचा लाभ बंद झाला आहे. प्रश्न व्यवस्थित कळला नसल्याने त्यांनी चुकीची उत्तरे दिली आहेत. दरम्यान, आता या महिलांना चुक सुधारण्याची संधी देण्यात आली आहे.

लाडकी बहीण योजनेत आता ३० एप्रिलपर्यंत केवायसीमध्ये दुरुस्ती करता येणार आहे. दुरुस्ती केल्यानंतर या महिलांचा लाभ पुन्हा एकदा सुरु केला जाणार आहे.लाडकी बहीण योजनेत आता केवायसीमध्ये दुरुस्ती करण्यासाठी शेवटचा एक आठवडा उरला आहे. तुम्हाला त्याआधी केवायसी पूर्ण करायची आहे.

केवायसी कशी करायची? (Ladki Bahin Yojana eKYC Step By Step Process)

लाडकी बहीण योजनेच्या केवायसीची संपूर्ण प्रोसेस ऑनलाइन असणार आहे. तुम्हाला अधिकृत वेबसाइटवर जाऊन केवायसी करायची आहे.

सर्वात आधी तुम्हाला ladakibahin.maharashtra.gov.in या वेबसाइटवर जायचे आहे.

यानंतर तुम्हाला आधार नंबर टाकून ओटीपी येईल त्यावर क्लिक करा.

यानंतर केवायसीमध्ये ज्या चुका झाल्या आहेत त्यावर क्लिक करा.

यानंतर तुम्हाला विचारलेल्या प्रश्नांची उत्तरे द्यायची आहे.

तुम्ही प्रश्नांची योग्य उत्तरे दिली की तुमची केवायसी पूर्ण होणार आहे. यानंतर तुमचा लाभ पुन्हा एकदा सुरु केला जाईल.

केवायसी पूर्ण केल्यानंतर लाभ पुन्हा सुरु होणार

लाडकी बहीण योजनेत तुम्ही केवायसी केल्यानंतर तुमचा लाभ पुन्हा सुरु केला जाणार आहे. जेवढे हप्ते आतापर्यंत मिळाले नव्हते तेवढे हप्ते दिले जाण्याची शक्यता आहे. त्यामुळे महिलांच्या खात्यात एकत्र तीन महिन्याचे हप्ते येऊ शकतात. दरम्यान, याबाबत कोणतीही अधिकृत माहिती समोर आलेली नाही.