लाडक्या बहि‍णींचे टेन्शन वाढवणारी बातमी आहे. आता लाडकी बहीण योजनेतून आणखी काही महिला अपात्र होणार आहेत. नागपूरमधील तब्बल ८४ हजार लाभार्थी महिलांचे लाभ बंद केले जाण्याची शक्यता आहे. आता लाडकी बहीण योजनेतील अनेक महिलांनी निकषांबाहेर जाऊन योजनेचा लाभ घेतला आहे. त्याचीच पडताळणी सुरु आहे. त्यातून ८४ हजार महिला अजून अपात्र होण्याची शक्यता आहे.

लाडक्या बहिणी अपात्र होण्यामागचे कारण

एकाच कुटुंबात चक्क तीन ते चार लाडक्या बहिणीने योजनेचा लाभ घेतला असणाऱ्यांचा पत्ता आता कट होणार आहे.प्रशासन आता अलर्ट मोडवर आले आहे. आता या महिलांच्या नावावर एफएससी मल्टिपल इन फॅमिली असा शेरा मारून योजनेतून बाद केले जाणार आहे.

मुख्यमंत्री माझी लाडकी बहीण योजनेअंतर्गत एका कुटुंबातील दोन महिलांना लाभ मिळणार असतानाही तिसऱ्या आणि चौथ्या महिलांनी अर्ज केल्याचे समोर आले आहे.

नागपूरमधील ८४ हजार महिलांना मिळणार नाही १५०० रुपये (Nagpur 84000 Women Will Not Get 1500 Rupees)

अनेकांनी वय १८ असताना देखील अठरा वर्षे पूर्ण झाल्याचे दाखवून अर्ज केल्याच बोललं जातं आहे. त्यामुळे वयोमर्यादेत बसत नसतानाही योजनेचा लाभ घेतला आहे.या सगळ्या बाबी प्रशासनाने अलर्ट मोडवर येऊन तपासायला सुरुवात केली, त्यामुळे आता हजारो महिलांचा लाभ बंद होण्याची शक्यचा आहे. नागपूर जिल्ह्यात लाडकी बहीण योजनेचे पाच लाख 19 हजार 267 लाभार्थी आहेत. त्यातील ८४ हजार महिलांचे अर्ज बाद होण्याची शक्यता आहे

लाडकींच्या अर्जांची पडताळणी

विविध माध्यमातून आता पडताळणी सुरू झाली आहे. यात 84 हजार लाभार्थी संशयाच्या भोवऱ्यात असल्याची माहिती सुद्धा पुढे आलीय, मात्र अजून प्रशासनाकडे कडून तपासणी सुरूच आहे. ही तपासणी पूर्ण झाल्यानंतरच अपात्र महिलांचे अर्ज बाद केले जाणार आहेत.