संजय महाजन, जळगाव प्रतिनिधी

Gold price today in Jalgaon : आंतरराष्ट्रीय बाजारातील घडामोडींमुळे जळगावच्या सुवर्ण बाजारात सोन्या-चांदीच्या दरात सातत्याने चढ-उतार पाहायला मिळत आहेत. सलग दोन दिवस झालेल्या मोठ्या घसरणीनंतर, आज सराफा बाजार उघडताच सोन्या-चांदीच्या भावात पुन्हा एकदा मोठी वाढ झाली आहे.

आज सोन्याच्या दरात प्रति तोळा १,२०० रुपयांची वाढ झाली असून भाव १ लाख ४३ हजार रुपयांवर पोहोचले आहेत. तर दुसरीकडे, चांदीच्या दरात प्रतिकिलो १,००० रुपयांची वाढ झाली असून चांदी १ लाख ९८ हजार रुपयांवर आली आहे (सर्व दर विनाजीएसटी).

दसऱ्यानंतर दरात पाहायला मिळाली होती, मात्र आज पुन्हा भाव वधारल्याने बाजारात मोठी हालचाल पाहायला मिळत आहे. आंतरराष्‍ट्रीय बाजारात सातत्‍याने होत असलेल्‍या बदलाचा परिणाम सोने– चांदीच्‍या भावात देखील चढउतार होत असल्‍याचे पाहण्यास मिळत आहे. यामुळेच जळगावच्‍या सुवर्ण बाजारात सातत्‍याने सोने– चांदी भावात बदल होत असल्‍याचे चित्र आहे. भावातील घसरणीमुळे चांदीचे भाव दोन लाखांच्‍या खाली आले आहेत. यानंतर देखील दोन दिवसांपासून सोने– चांदीच्‍या भावात मोठी घसरण झाली होती. यानंतर आज भावात पुन्‍हा वाढ झाली आहे.

सोनं १२०० रुपयांनी महागले

दरम्‍यान मंगळवारी (ता. २७) सोने एक लाख ४१ हजार ८०० रुपये (प्रतिदहा ग्रॅम, विनाजीएसटी) होते. त्यात बुधवारी (ता.२८) १२०० रुपयांची घसरण होऊन सोने एक लाख ४३ हजार रुपयांवर आले आहे. तर चांदीच्‍या भावात देखील आज एक हजार रुपयांची वाढ झाली असून मंगळवारी एक लाख ९७ हजार (प्रतिकिलो विनाजीएसटी) रुपयांवर असलेले चांदीचे भाव बुधवारी एक लाख ९८ हजार रुपयांवर आले आहेत.

काही दिवसांतील सोन्या-चांदीचे भाव

तारीख---सोने प्रतिदहा ग्रॅम--- चांदी प्रतिकिलो (विनाजीएसटी)

२४ ऑक्टोबर---१ लाख ४१ हजार ५००--- २ लाख २ हजार

२५ ऑक्टोबर---१ लाख ४१ हजार ५००--- २ लाख २ हजार

२६ ऑक्टोबर---१ लाख ४२ हजार--- १ लाख ९९ हजार

२७ ऑक्टोबर---१ लाख ४१ हजार ८००--- १ लाख ९७ हजार

२८ ऑक्टोबर---१ लाख ४३ हजार--- १ लाख ९८ हजार