प्रत्येकाची काही न काही कहाणी असते. प्रत्येकाच्या आयुष्यात संघर्ष हा असतो. परंतु या संघर्षाकडे पाहून सतत रडण्यापेक्षा तुम्ही त्यातून मार्ग काढायला शिकायला हवे. असंच काहीसं आयएएस सविता प्रधान यांच्यासोबत झालं. सविता प्रधान यांनी सिंगल मदर असताना सर्वकाही सांभाळून यूपीएससी परीक्षा क्रॅक केली होती.

आयएएस सविता प्रधान यांचा प्रवास खूपच संघर्षमय आहे. सविता या मध्य प्रदेशमधील मंडई गावातील आदिवासी परिवारातील सदस्य आहेत. त्यांना खूप प्रतिकूल परिस्थितीचा सामना करावा लागला.

सविता यांनी शाळेत स्कॉलरशिप मिळवून १०वी पर्यंतचे शिक्षण पूर्ण केले. त्यानंतर त्यांनी ७ किलोमीटर लांब असलेल्या शाळेत अॅडमिशन घेतले. त्यांच्याकडे शाळेची फी भरायला पैसे नव्हते. त्यामुळे त्यांनी पार्ट टाइम नोकरी केली.

सविता यांनी सायन्समधून शिक्षण पूर्ण केले. तिला डॉक्टर व्हायचे होते. परंतु काही कारणाने ते शक्य झाले नाही. त्यानंतर सविता यांचे १६ व्या वर्षी लग्न झाले. त्यांच्या आईवडिलांनी १६ व्या वर्षी चांगल्या श्रीमंत घरात त्यांचे लग्न झाले होते. त्यांना हे लग्न करायचे नव्हते परंतु घरच्यांच्या दबावामुळे त्यांनी लग्न केले.

लग्न झाल्यानंतर नवऱ्याकडून त्यांना खूप त्रास सहन करावा लागला. त्यांना नवरा त्यांना खूप मारायचा,धमकी द्यायचा. दोन मुले झाल्यानंतरही त्यांना मारायचा. त्यानंतर सविता यांनी एकदिवस हिम्मत एकटवून घराबाहेर पडण्याचा निर्णय घेतला. फक्त २७०० रुपये घेऊन त्यांनी दोन्ही मुलांना घेऊन घर सोडले.

सविता यांनी खर्च भागवण्यासाठी ब्युटी सलून उघडले. यात त्यांच्या आईवडिलांनी आणि भावंडांनी त्यांनी खूप साथ दिली.कामासोबतच त्यांनी भाोपाळमधील बरकतुल्लाह युनिव्हर्सिटीमधून पब्लिक अॅडमिनिस्ट्रेशनमध्ये बीए पूर्ण केले.

यानंतर त्यांनी राज्या सिविल सेवा परीक्षा देण्याचा निर्णय घेतला. त्यांनी २४ व्या वर्षी पहिल्याच प्रयत्नात परीक्षा पास केली. त्या मुख्य नगरपालिका अधिकारी म्हणून कार्यरत झाल्या.यानंतर त्यांना अनेक प्रमोशन मिळाले. त्या आज आयएएस म्हणून कार्यरत आहेत. यानंतर त्यांनी दुसरे लग्नदेखील केले. त्यांचे स्वतः चे हिम्मत वाली लडकिया नावाचे युट्यूब चॅनलदेखील आहे.