वाहनधारकांना एचएसआरपी नंबरप्लेट बसवणे अनिवार्य केले आहे. जर एचएसआरपी नंबरप्लेट नसेल तर तुम्हाला आता चांगलाच फटका बसणार आहे. एचएसआरपी नंबरप्लेट नसल्यास तुम्हाला वाहनाची पीयूसी मिळणार नाहीये. त्यामुळे वाहनधारकांचे टेन्शन वाढणार आहे. १५ एप्रिलपासून तुम्हाला पीयूसी मिळणार नाही.

१५ एप्रिलपासून नवीन नियम लागू (HSRP Number Plate New Rule From 15th April)

एचएसआरपीबाबत नवीन नियम १५ एप्रिलपासून सागू होणार आहे. उत्तर प्रदेशसह अनेक राज्यांमध्ये हे नियम लागू होणार आहेत. ज्या वाहनांना एचएसआरपी नंबरप्लेट नसेल त्यांना दंडदेखील भरावा लागणार आहे. हाय सिक्युरीटी नंबरप्लेट न बसवल्यास तुमच्या वाहनांना अनफिट ठरवले जाईल. त्यामुळे तुम्ही जर अजूनही नंबरप्लेट बसवली नसेल तर लगेच बसवून घ्या. तुम्ही घरबसल्या मोबाईलवरुन एचएसआरपी नंबरप्लेटसाठी बुकिंग करु शकतात.

HSRP नंबरप्लेट कशी बसवायची? (How to Register For HSRP Number Plate)

तुम्हाला एचएसआरपी नंबरप्लेट बनवण्यासाठी सर्वात आधी Book My HSRP वेबसाइटवर जायचे आहे.

होमपेजवर तुम्हाला High Security Registration Plate with Colour Sticker हा ऑप्शन दिसेल त्यावर क्लिक करा.

यानंतर तुम्ही तुमच्या वाहनाची सर्व माहिती भरा. राज्य, रजिस्ट्रेशन नंबर, चेसिस नंबर आणि इंजिन नंबर लिहा.

यानंतर तुमचा जिल्हा आणि डीलर निवडा जिथे तुम्हाला नंबरप्लेट लावावी लागेल.

यानंतर अपॉइंटमेंट बुक करा. यानंतर तुम्ही डीलरकडे जाऊन हाय सिक्युरिटी नंबरप्लेट बसवा.

यानंतर ऑनलाइन पेमेंट करा. यानंतर तुम्हाला रिसिप्ट मिळेल ती तुमच्याजवळ ठेवा.