DigiLocker हा सरकारी डिजिटल प्लॅटफॉर्म आहे. याच्या मदतीने नागरिकांना त्यांचे अधिकृत कागदपत्रे ऑनलाइन सुरक्षित ठेवता येतात. इलेक्ट्रॉनिक्स आणि आयटी मंत्रालयाने (MeitY) डिजिटल इंडिया मिशनअंतर्गत ही सेवा सुरू केली आहे. त्यामुळे आता आधार, पॅन कार्ड किंवा इतर महत्त्वाची कागदपत्रे नेहमी सोबत बाळगण्याची गरज राहत नाही. या अॅपमध्ये सेव केलेले डिजिटल डॉक्युमेंट्स फिजिकल कॉपीइतकेच कायदेशीर मानले जातात. इंडियन रेल्वे, ट्रॅफिक पोलीस यांसारखे विभागही DigiLocker मधील डॉक्युमेंट्स स्वीकारतात.

DigiLocker वापरणे खूप सोपे आहे. Android किंवा iOS स्मार्टफोनमध्ये हे अॅप डाउनलोड केल्यानंतर भाषा निवडा आणि लॉगिन करा. नवीन युजर्स आधारला लिंक असलेल्या मोबाइल नंबर नोंदवा. OTP मिळाल्यावर Aadhaar नंबर टाकून तो DigiLocker शी लिंक करा. त्यानंतर 6 अंकी सिक्युरिटी PIN सेट करा.

अॅपमध्ये Issued Documents या सेक्शनमध्ये जाऊन संबंधित सरकारी विभाग निवडावा. उदाहरणार्थ, Aadhaar साठी UIDAI आणि PAN साठी इनकम टॅक्स डिपार्टमेंट. त्यानंतर Aadhaar नंबर, PAN नंबर किंवा जन्मतारीख भरल्यावर DigiLocker तुमचे डॉक्युमेंट सरकारी डेटाबेसमधून Fetch करून देतो. ते आपोआप Issued Documents मध्ये सेव्ह होते.याच पद्धतीने ड्रायव्हिंग लायसन्स, बर्थ सर्टिफिकेट किंवा इतर सरकारी प्रमाणपत्रेही अॅपमध्ये आणता येतात. ड्रायव्हिंग लायसन्स मिळवण्यासाठी ‘सड़क परिवहन आणि राजमार्ग मंत्रालय’ (MoRTH) निवडून लायसन्स नंबर टाकावा लागतो. काही क्षणातच लायसन्स अॅपमध्ये Fetch होते.

जर तुम्हाला स्वतःचे इतर डॉक्युमेंट्स अपलोड करायचे असतील तर Drive सेक्शनमध्ये जाऊन ‘+’ आयकॉनवर टॅप करा आणि फोनमधील फाइल निवडून सेव करा. अपलोड केलेले दस्तऐवजही सुरक्षित राहतात. मात्र, DigiLocker PIN आणि लॉगिन डिटेल्स सिक्रेट ठेवणे अत्यंत महत्त्वाचे आहे.