आजच्या काळात आधार कार्ड हे सर्वात महत्त्वात महत्त्वाचा पुरावा मानलं जात आहे. बँकेतलं काम, सरकारी योजनांचा लाभ, केवायसी किंवा ओळखीचा पुरावा अशा अनेक ठिकाणी आधार कार्डाची गरज असते. मात्र बऱ्याचदा घाईगडबडीत आधार कार्डासोबत ठेवायला विसरतो.अशा वेळी काळजी करण्याची गरज नाही. कारण तुम्ही घरबसल्या मोबाईलवर ई-आधार डाउनलोड करू शकता.
ई-आधार हे आपल्या मूळ आधार कार्डचे डिजिटल स्वरूप आहे. UIDAI म्हणजेच भारतीय विशिष्ट ओळख प्राधिकरणाकडून ते उपलब्ध करून दिलं जातं. ई-आधार PDF स्वरुपात डाउनलोड करता येते. यामध्ये आधारधारकाचं नाव, पत्ता, आधार क्रमांक आणि QR कोड यांसारखी माहिती असते. विशेष म्हणजे, ई-आधारची वैधता फिजिकल आधार कार्डइतकीच आहे.
१. आधार क्रमांक (Aadhaar Number)
२. एनरोलमेंट आयडी (EID)
३. व्हर्च्युअल आयडी (VID)
तसेच आधार कार्डाशी लिंक असलेला मोबाईल क्रमांक जवळ असणं आवश्यक आहे. कारण नोंदणीकृत मोबाईलवर OTP पाठवला जातो.
सर्वात आधी UIDAI च्या अधिकृत https://uidai.gov.in या वेबसाइटला भेट द्या. वेबसाइटवरील 'Download Aadhaar' हा पर्याय निवडा. आधार क्रमांक, EID किंवा VID यापैकी एक माहिती भरा. स्क्रीनवर दिसणारा कॅप्चा कोड टाका. 'Send OTP' या पर्यायावर क्लिक करा. मोबाईलवर आलेला OTP टाकून पुढची प्रोसेस पूर्ण करा. आता ई-आधार PDF डाउनलोड करा.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.