सर्वसामान्य नागरिकांसाठी सरकारच्या अनेक योजना असतात. सरकारी योजनांमध्ये गुंतवणूक केल्यास नागरिकांना भरघोस परतावा मिळतो. प्रत्येकजण आपल्या भविष्यासाठी वेगवेगळ्या योजनांमध्ये गुंतवणूक करतात. पोस्ट ऑफिसची मासिक उत्पन्न योजनेत गुंतवणूक केल्यास तुम्हाला प्रत्येक महिन्याला उत्पन्न मिळेल.

पोस्ट ऑफिसच्या मासिक उत्पन्न योजनेत गुंतवणूकदारांना ७.४ टक्के व्याजदर मिळते. या योजनेत अकाउंट उघडल्यानंतर एका महिन्यानंतर तुम्हाला व्याजदर मिळण्यास सुरुवात होईल. या योजनेत योग्य परतावा मिळण्याची गॅरंटी मिळते.

पोस्ट ऑफिसमध्ये तुम्ही १००० रुपयांपासून गुंतवणूक करु शकतात. या योजनेत तुम्हाला स्वतः चे वैयक्तिक अकाउंट तसेच जॉइंट अकाउंटदेखील उघडू शकतात. तुम्ही स्वतः चे वैयक्तिक अकाउंट उघडल्यास जास्तीत जास्त ९ लाख रुपये गुंतवणूक करु शकतात. जॉइंट अकाउंटमध्ये १५ लाख रुपये गुंतवणूक करु शकतात. १८व्या वर्षांवरील प्रत्येक व्यक्ती या योजनेत अकाउंट उघडू शकतात.

या योजनेत तुम्ही गुंतवणूक केल्यावर तुम्हाला ५ हजार रुपये मासिक उत्पन्न मिळू शकतात. जर तुम्ही ५ लाख रुपयांची गुंतवणूक केली तर ७.४ टक्के व्याजदर मिळते. म्हणजेच तुम्हाला ३,८०३ रुपयांचे व्याज मिळेल. जेव्हा तुम्ही ९ लाख रुपये गुंतवणूक केल्यावर तुम्हाला ५५५० रुपये व्याज मिळेल. या योजनेचा लॉक इन कालावधी ५ वर्षांचा आहे.

जर तु्म्ही जॉइंट अकाउंट सुरु केल्यावर जास्तीत जास्त १५ लाख रुपये गुंतवणूक करु शकतात. या गुंतवणूकीवर तुम्हाला दर महिन्याला ९,२५० रुपये व्याजदर मिळेल. त्यामुळे तुम्हाला दर महिन्याला निश्चित इन्कम मिळणार आहे.