लग्नसराईची लगबग सुरू झाली आहे. लग्न म्हटलं की शॉपिंग आणि दागिने खरेदी आलंच. सोनं -चांदीचे दागिने आपण खरेदी करतोच. मात्र, वाढत्या सोन्याच्या दागिन्यांच्या दरामुळे ग्राहकांच्या खिशाला कात्री बसत आहे. अशातच सोन्याच्या दरात अद्याप तरी घसरण झाली नसल्याचं पाहायला मिळत आहे. जळगाव जिल्ह्यात केवळ तीन दिवसांत सोन्या–चांदीच्या दरात मोठी उसळी पाहायला मिळाली. यामुळे सोन्याचे दागिने खरेदी करावे की नाही? असा प्रश्न ग्राहकांच्या मनात निर्माण होत आहे.

जळगाव म्हणजे सुवर्णनगरी. जळगावात केवळ तीन दिवसांत सोनं आणि चांदीच्या भावाने उच्चांक गाठला. सोन्याच्या दरात तब्बल १,३०० रूपये तर, चांदीच्या दरात तब्बल ६,५०० रूपयांची वाढ झाली आहे. सध्या लग्नसराईची धामधूम सुरू आहे. अशातच ही वाढ अनेक वधूपित्यांच्या बजेटला मोठा धक्का देणारी ठरली आहे.

काही दिवसांपूर्वी १० ग्रॅम सोन्याच्या भावात २००० रूपयांची वाढ झाली होती. १ तोळं सोनं खरेदीसाठी आपल्याला (विनाजीएसटी) १,२५,००० रूपये मोजावे लागत होते. दरम्यान आता नवीन दरवाढीनुसार १० ग्रॅन सोनं खरेदीसाठी आपल्याला १,२६,३०० रूपये मोजावे लागतील. तर, १ किलो चांदी खरेदीसाठी आपल्याला १,६६,००० रूपये मोजावे लागतील.

सोने प्रतिदहा ग्रॅम चांदी प्रतिकिलो (विनाजीएसटी)

११ नोव्हेंबर

सोनं एक लाख २३ हजार ९००

चांदी एक लाख ५७ हजार

१३ नोव्हेंबर

सोन एक लाख २६ हजार

चांदी एक लाख ६६ हजार

१४ नोव्हेंबर

सोन एक लाख २५ हजार २००

चांदी एक लाख ६२ हजार

१५ नोव्हेंबर

सोन एक लाख २२ हजार ९००

चांदी एक लाख ५७ हजार

१६ नोव्हेंबर

सोन एक लाख २२ हजार ९००

चांदी एक लाख ५७ हजार

१८ नोव्हेंबर

सोन एक लाख २१ हजार ५००

चांदी एक लाख ५४ हजार

२० नोव्हेंबर

सोन एक लाख २२ हजार ८००

चांदी एक लाख ५८ हजार

२४ नोव्हेंबर

सोन एक लाख २३ हजार

चांदी एक लाख ५५ हजार

२५ नोव्हेंबर

सोन एक लाख २५ हजार

चांदी एक लाख ५९ हजार ५००

२८ नोव्हेंबर

सोन एक लाख २६ हजार ३००

चांदी एक लाख ६६ हजार