जळगाव,

संजय महाजन जळगाव

गेल्या काही दिवसांपासून सोनं-चांदीच्या किंमतीत मोठा बदल होताना पाहायला मिळतोय. त्यात दिवाळी-पाडवा अशा सणांमध्ये लोक सोनं-चांदी खरेदी करतात. पण हे भाव सर्वसामान्यांना परवडणारे नसतात. दिलासादायक बाब म्हणजे, जळगावच्‍या सुवर्ण बाजारात आठवडाभरापासून सोने व चांदीचे भावात होत असलेली घसरण आज देखील कायम राहिली. आज सराफ बाजार सुरू होताच मोठी घसरण झाल्‍याचे दिसून आले. यात सोने दीड हजाराने तर चांदीचे भाव तब्‍बल सहा हजार रुपयांनी कमी झाले आहेत. यामुळे खरेदीदारांना मेाठा दिलासा मिळाला आहे.

आंतरराष्‍ट्रीय घडामोडींचा परिणाम सोने व चांदीच्‍या भावात होताना दिसून येत आहे. सोन्याचे आणि चांदीच्या भावात मोठी घसरण पाहायला मिळत आहे. दिवाळी आणि धनत्रयोदशीच्या पार्श्वभूमीवर ग्राहकांना हा मोठा दिलासा मिळाला आहे. सुवर्ण बाजारात मागील काही दिवसांपासून सातत्‍याने घसरण होत असल्‍याचे चित्र आहे. मध्‍यंतरी भाव काहीसे वाढले. परंतु, दसर्यानंतर भावात सातत्‍याने घसरण सुरू आहे. दरम्‍यान या आठवड्यात देखील भावात घसरण सुरू आहे. जानेवारी २०२६ च्‍या तुलनेत सोने व चांदीच्‍या भावात मोठी घट आली असून चांदीच्या दरातही मोठी घट झाली आहे.

चांदीच्‍या भावात सहा हजाराची घसरण

चांदीच्‍या भावात मोठी घसरण झाली असून सोन्‍याचे भाव देखील कमी झाले आहेत. गुरूवारी (ता.२९) सोन्याचा भाव एक लाख ४२ हजार ८०० रुपये (प्रतिदहा ग्रॅम, विनाजीएसटी) होता. शुक्रवारी सुवर्ण बाजार खुला झाल्‍यानंतर सकाळी सोन्‍याचा भाव १ हजार ५०० रुपयांनी कमी होवून सोने एक लाख ४१ हजार ३०० रुपयांवर आले आहेत. तर चांदीच्‍या भावात कालच्‍या तुलनेत तब्‍बल सहा हजार रुपयांनी कमी झाली आहे. गुरूवारी (ता.२९) एक लाख ९६ हजार (प्रतिकिलो विनाजीएसटी) रुपयांवर असलेली चांदी आज एक लाख ९० हजार रुपयांपर्यंत खाली आली आहे.

गेल्या काही दिवसांतील सोन्या-चांदीचे भाव

तारीख- सोने प्रतिदहा ग्रॅम--- चांदी प्रतिकिलो (विनाजीएसटी)

२५ ऑक्टोबर- सोनंं प्रतिदहा ग्रॅम १ लाख ४१ हजार ५००. तर चांदी प्रतिकिलो २ लाख २ हजार.

२६ ऑक्टोबर- सोनंं प्रतिदहा ग्रॅम १ लाख ४२ हजार- तर चांदी प्रतिकिलो १ लाख ९९ हजार.

२७ ऑक्टोबर- सोनंं प्रतिदहा ग्रॅम १ लाख ४१ हजार ८००. तर चांदी प्रतिकिलो १ लाख ९७ हजार

२८ ऑक्टोबर- सोनंं प्रतिदहा ग्रॅम १ लाख ४३ हजार. तर चांदी प्रतिकिलो १ लाख ९८ हजार

२९ ऑक्टोबर- सोनंं प्रतिदहा ग्रॅम १ लाख ४२ हजार ८००. तर चांदी प्रतिकिलो १ लाख ९६ हजार

३० ऑक्टोबर- सोनंं प्रतिदहा ग्रॅम १ लाख ४१ हजार ३००. तर चांदी प्रतिकिलो १ लाख ९० हजार