काही दिवसांनी दिवाळीला सुरुवात होणार आहे. दिवाळीत अनेकजण गावी जाण्याचा प्लान करतात. याचसोबत अनेकजण बाहेरगावीदेखील फिरायला जातात. यासाठी विमानाने जाण्याचा पर्यायदेखील आहे. विमानाने जर तुम्ही फिरायला जाण्याचा विचार करत असाल तर ही बातमी खास तुमच्यासाठी. दिवाळीत फ्लाइट्सचे तिकीट महाग होणार आहे.

दिवाळीत ट्रेनला खूप गर्दी असते. दिवाळीआधीच हे तिकीट बुकिंग फुल होते. त्यामुळे जर तुम्ही फ्लाइटने जाण्याचा विचार करत असाल तरीही तुमच्या खिशाला फटका बसणार आहे. अनेक कंपन्यांनी फ्लाइट तिकीट दरात वाढ केली आहे.

मिडिया रिपोर्टनुसार,विमान प्रवासाची मागणी ७० टक्क्यांनी वाढताच तिकीट दरातदेखील वाढ झाली आहे.विमानाची तिकीटे वाढली आहे.EaseMyTrip चे CEO रिकांत पिट्टी यांनी सांगितले की, हैदराबाद ते जयपुर जाण्यासाठी ६,५०० रुपये ते १२,००० रुपये तिकीट आहे.

हैदराबाद ते दिल्लीसाठीचे विमानाचे तिकीट ४,००० ते ७,००० रुपये होते. या तिकीटांच्या किंमतीत वाढ झाली आहे. हे दर सध्या ७००० ते १२,००० रुपये झाले आहेत. २०२४ मध्ये फ्लाइट तिकीट दरात २० ते ३० टक्क्यांनी घट झाली होती.

दिवाळीच्या काळात विमानाने प्रवास करतानाची संख्या वाढत आहे. त्याचाच हा परिणाम आहे. दिल्ली, मुंबई, बंगळुरु, चेन्नऊ येथे विमानाने प्रवास करण्याची मागणी सर्वाधिक आहे. त्यामुळे या विमानाच्या तिकीटाच्या दरात वाढ होत आहे.त्यामुळे जर तुम्ही दिवाळीत विमानाने फिरायला जाण्याचा प्लान करत असाल तर तुमच्या खिशाला चांगलाच फटका बसणार आहे.