Banking Tips:

आजच्या काळात जवळजवळ प्रत्येकजण डिजिटल पद्धतीने पैशांचा व्यवहार करतो. एखादी वस्तू खरेदी करायची असो किंवा कुणाला पैसे पाठवायचे असो, लोक ऑनलाइन पैसे ट्रान्सफर करताना दिसतात. ऑनलाइन पेमेंटमुळे बर्‍याच गोष्टी सोप्या झाल्या आहेत. यातच गेल्या काही वर्षांत लोक ऑनलाइन शॉपिंगही खूप करतात.

या सगळ्यात जर आपण पैसे ट्रान्स्फर केले आणि ते चुकून आपल्याला हवे त्या खात्यात न जात दुसऱ्याच कोणाच्या खात्यात गेले, तर ते पैसे तुम्हाला परत मिळू शकतात का? याबाबत काय आहेत बँकेचे नियम, याचबद्दल आज आपण जाणून घेणार आहोत.  (साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

तुम्ही चुकीच्या खात्यात पैसे ट्रान्सफर केल्यास, तुम्ही ते परत मिळवू शकता. यासाठी तुम्ही पहिल्यांदा तुमच्या बँकेत जाऊन संबंधित अधिकाऱ्याला याची माहिती द्यावी. त्याला सर्व पुरावे द्या, जेणेकरून त्याच्यावर त्वरीत कारवाई होईल. जर त्याच बँकेच्या शाखेच्या खात्यात पैसे ट्रान्सफर केले गेले, तर बँक यामध्ये मध्यस्थ म्हणून काम करते. (Latest Marathi News)

ज्या व्यक्तीच्या बँक खात्यात चुकून पैसे ट्रान्सफर झाले आहेत, त्या व्यक्तीशी बँक संवाद साधते किंवा ईमेल करते. त्यानंतर त्या खातेदाराची परवानगी घेतल्यानंतर बँक सात दिवसांच्या आत तुमच्या बँक खात्यात पैसे परत करते.

ही माहितीही आहे महत्वाची

जर काही कारणास्तव दुसऱ्या व्यक्तीने तुमचे पैसे परत करण्यास नकार दिला तर तुम्ही त्या खातेदाराच्या नावावर एफआयआर दाखल करू शकता, म्हणजेच कायदेशीर मदत घेऊ शकता. कायदेशीर प्रक्रियेद्वारे तुम्ही तुमचे पैसे परत मिळवू शकता. तसेच जर खातेदार तुमच्याशी संवाद साधत असेल आणि तुमचे पैसे परत करण्यास सहमत असेल, तर बँक तुम्हाला काही संबंधित कागदपत्रांच्या प्रती सबमिट करण्यास सांगू शकते.