Budget 2024 Atal Pension Yojana:

१ फ्रेब्रुवारीला देशाचे नवीन अर्थसंकल्प जाहीर होणार आहे. यात अनेक महत्त्वाचे निर्णय होणार आहेत. त्यात अटल पेन्शन योजनेबाबत महत्त्वाचा निर्णय होण्याची शक्यता आहे.या अर्थसंकल्पात अटल पेन्शन योजनेचा निधी वाढवू शकतो. त्यामुळे पेन्शनधारकांना मिळणारी रक्कमदेखील वाढू शकते. (Latest News)

पेन्शन फंड रेग्युलेटरी अँड डेव्हलपमेंटने सरकारला पत्र लिहून अटल पेन्शन योजनेचा निधी वाढवण्याची शिफारस केला आहे. PFDRA नुसार, या योजनेत मिळणारे पैसे वाढवण्याची आवश्यता आहे. सरकार अटल पेन्शन योजनेअंतर्गत मिळणारी रक्कम ५ हजारांहून वाढवून ७ हजार रुपये मिळण्याची शक्यता आहे. वाढत्या महागाईचा अंदाज घेऊन हा निर्णय होण्याची शक्यता आहे. या योजनेचा लाभ जवळपास ५.३ कोटी लोक घेत आहेत. मनी कंट्रोलने याबाबत वृत्त दिलं आहे.

वयाच्या ६० वर्षानंतर आर्थिक सुरक्षितता लक्षात घेऊन २०१५-१६ मध्ये अटल पेन्शन योजना सुरु करण्यात आली होती. या योजनेद्वारे सरकार सामान्य लोकांना सेव्हिंग करण्यासाठी प्रोत्साहित करत आहे. ही योजना पेन्शन फंड रेग्युलेटरी अँड डेव्हलपमेंटद्वारे चालवली जाते.

अटल पेन्शन योजनेअंतर्गत दर महिना १ हजार ते ५ हजार पेन्शन मिळते. ही योजना पेन्शनच्या रकमेवरही गुंतवणूकीवर अवलंबून असते. अटल पेन्शन योजना १८ ते ४० वर्ष वयोगटातील नागरिकांसाठी असते.