तुम्ही रोज बँकेचे व्यवहार करत असाल तर तुमच्यासाठी ही बातमी महत्त्वाची आहे. आज २५ ऑगस्ट, मंगळवारी मिलाद-उन-नबी आणि पहिला ओणम या सणांमुळे केरळ आणि आंध्र प्रदेशातल्या काही ठिकाणी बँका बंद आहेत. मात्र, उद्या २६ ऑगस्टला महाराष्ट्रासह देशातल्या अनेक राज्यांमध्ये बँकांना सुट्टी आहे. त्यामुळे बँकेत महत्त्वाचे काम असल्यास सुट्टीची माहिती आधी तपासणं गरजेचं आहे.

२६ ऑगस्टला कुठे बँका बंद?

RBIच्या हॉलिडे मॅट्रिक्सनुसार ईद-ए-मिलाद आणि तिरुवोणममुळे महाराष्ट्र, कर्नाटक, मध्य प्रदेश, तामिळनाडू, उत्तराखंड, तेलंगणा, मणिपूर, जम्मू- काश्मीर, उत्तर प्रदेश, केरळ, दिल्ली, बिहार, छत्तीसगड आणि झारखंड या राज्यातल्या संबंधित बँकिंग केंद्रांमध्ये सुट्टी असेल.

२८ ऑगस्टला रक्षाबंधनाची सुट्टी

रक्षाबंधन यंदा २८ ऑगस्ट, शुक्रवारी आहे. या दिवशी गुजरात, मध्य प्रदेश, उत्तराखंड, सिक्कीम, राजस्थान, जम्मू-काश्मीक, उत्तर प्रदेश, केरळ आणि हिमाचल प्रदेशामध्ये बँका बंद राहतील.

२९ ऑगस्टला बँका सुरू राहणार

ऑगस्टच्या शेवटच्या शनिवारी म्हणजेच २९ ऑगस्टला बँका सुरू राहतील. मात्र ३० ऑगस्ट रविवार असल्यामुळे बँका बंद असतील.

सप्टेंबरमध्येही बँकांना सुट्ट्या

सप्टेंबरमध्येही वेगवेगळे सण आणि प्रादेशिक कार्यक्रमांमुळे अनेक राज्यांमध्ये बँका बंद राहतील. ४ सप्टेंबरला जन्माष्टमी, तर १२ सप्टेंबरला दुसरा शनिवार असल्यामुळे बँका बंद राहतील. याशिवाय १४ आणि १५ सप्टेंबरला गणेश चतुर्थीशी संबंधित सुट्ट्या काही बँकिंग केंद्रांमध्ये आहेत. मुंबई-नागपूर, पुण्यासह काही प्रमुख केंद्रांमध्ये १४ सप्टेंबरची सुट्टी लागू आहे. २६ सप्टेंबरला चौथा शनिवार असल्यामुळे देशभरातल्या बँका शाखा बंद राहतील. त्यानंतर २७ सप्टेंबरला रविवारची सुट्टी असेल.