Apple IPad Air and IPad Pro launch:

Apple ने आपले चार नवीन iPads मंगळवारी लॉन्च केले आहेत. कंपनीने 11-इंच आणि 13-इंच प्रकारांमध्ये iPad Air सादर केला आहे. जो फास्ट चिपसेटसह येतो. तर iPad Pro मध्ये मोठा बदल पाहायला मिळत आहे. यावेळी कंपनीने नवीन M4 चिपसेटसह 11 आणि 13 इंच स्क्रीन साईझमध्ये iPad Pro सादर केला आहे.

नवीन iPad Pro मध्ये सर्वात पॉवरफुल M4 चिपसेट ग्राहकांना पाहायला मिळणार आहे. Apple चे म्हणणे आहे की, नवीन टॅबलेट त्यांच्यासाठी बेस्ट आहे, जे व्हिडिओ बनवतात आणि मल्टीमीडिया कन्टेन्ट पाहण्याचे शौकीन आहेत. एकूणच नवीन चिपसेट आयपॅड प्रोला सर्वात पॉवरफुल डिव्हाइस बनवते. M4 व्यतिरिक्त कंपनीने iPad Pro मध्ये नवीन OLED डिस्प्ले देखील दिला आहे. कंपनी या नवीन डिस्प्लेला अल्ट्रा XDR डिस्प्ले म्हणते.

याशिवाय कंपनीने डिझाइनमध्येही बदल केले आहेत. iPad Pro 13-इंच फक्त 5.3 मिमी पातळ आहे. तर iPad Pro 11-इंच 5.1 मिमी पातळ आहे. Apple ने असेही म्हटले आहे की, आयपॅड प्रोमध्ये परफॉर्मन्स आणि हीट सिंक सुधारण्यासाठी ग्राफीन लेयर जोडला आहे.

दरम्यान, iPad Air मध्ये M2 चिपसेट देण्यात आला आहे. जो 11-इंच आणि सर्व-नवीन 13-इंचामध्ये सादर केला गेला आहे. जबरदस्त लिक्विड रेटिना डिस्प्लेसह, कंपनीने यातकाही AI कॅपॅबिलिटी आणि नवीन ॲक्सेसरीज सपोर्ट जोडल्या आहेत.

आयपॅड एअर आणि आयपॅड प्रोची किंमत

भारतात नवीन आयपॅड एअर स्टारलाईट, स्पेस ग्रे, ब्लू आणि पर्पल रंगांमध्ये सादर करण्यात आले आहे. 11-इंच आयपॅड एअरची किंमत 59,900 रुपये आहे. तर 13-इंच आयपॅड एअरची किंमत 79,900 रुपये आहे. तसेच iPad Pro च्या 11-इंच प्रकार 99,900 रुपयांपासून सुरू होतो. तर 13-इंच प्रकाराची प्रारंभिक किंमत 1,49,900 रुपये आहे.