देशातल्या वाढत्या महागाईचा फटका सर्वसामान्यांसह सरकारी कर्मचाऱ्यांनाही बसतोय. अशातच आठव्या वेतन आयोगाबाबत एक महत्त्वाची चर्चा सुरू झालेली आहे. केंद्रीय सरकारी कर्मचाऱ्यांची बेसिक सॅलरी १८ हजार रुपयांवरून थेट ६९ हजार रुपये करण्याची मागणी कर्मचारी संघटनांनी केली. ऑक्टोबर २०२६ मध्ये देशातल्या किरकोळ महागाईचा दर ६.०९ टक्क्यांवर पोहोचला. त्यामुळे कर्मचाऱ्यांच्या पगारात मोठी वाढ होईल का? असा प्रश्न उपस्थित होतोय. पण वाढती महागाई म्हणजे पगारवाढीची हमी आहे का? हे समजून घेणं महत्त्वाचं आहे.
नॅशनल कौन्सिल-जॉइंट कन्सल्टेटिव्ह मशिनरी (NC-JCM) या कर्मचारी संघटनेने आठव्या वेतन आयोगासमोर महत्त्वाची मागणी मांडली. त्यामध्ये सध्या सातव्या वेतन आयोगानुसार बेसिक सॅलरी १८ हजार रुपये आहे. ती वाढवून ६९ हजार रुपये करावे, अशी मागणी करण्यात आली. यासाठी ३.८३३ फिटमेंट फॅक्टर सुचवण्यात आला आहे. इतर कर्मचारी संघटनांकडूनही ३ ते ४.३८ पर्यंत फिटमेंट फॅक्टरची मागणी होतेय.
तज्ज्ञांच्या मते, वाढच्या महागाईचा जास्त फटका कमी सॅलरी घेणाऱ्या कर्मचाऱ्यांवर आणि निश्चित पेन्शनवर अवलंबून असलेल्या जेष्ठ नागरिकांवर होतो. अन्नधान्य आणि दैनंदिन गरजांच्या वस्तू महागल्यामुळे त्यांच्या मासिक खर्चात वाढ होते.
तज्ज्ञांच्या मते, महागाई वाढल्यामुळे कर्मचारी संघटनांची बाजू मजबूत होऊ शकते. पण फक्त महागाईच्या एका आकड्यावरून फिटमेंट फॅक्टर ठरत नाही. सरकारचा आर्थिक भार, सध्याचा महागाई भत्ता (DA), कर्मचाऱ्यांची सॅलरी आणि दीर्घकालीन महागाईचा विचार केला जातो.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.