केंद्रीय कर्मचाऱ्यांना आठवा वेतन आयोग कधी लागू होणार असा प्रश्न पडला आहे. आठवा वेतन आयोग लागू झाल्यानंतर कर्मचाऱ्यांचा पगार चांगलाच वाढणार आहे. दरम्यान, कर्मचाऱ्यांचा पगार किती वाढणार हे फिटमेंट फॅक्टरवर अवलंबून असते.दरम्यान, फिटमेंट फॅक्टर वाढवण्याची मागणी केली जात आहे. सध्या कर्मचारी संघटनांनी फिटमेंट फॅक्टर ८.३३ करण्याची मागणी केली आहे.

फिटमेंट फॅक्टर वाढल्यानंतर सर्व सरकारी कर्मचाऱ्यांचा पगार चांगलाच वाढणार आहे. नवी दिल्लीत २८ ते ३० एप्रिलदरम्यान नॅशनल काउंसिलच्या स्टाफ साइडने मागणी केली आहे. बेसिक सॅलरी १८००० रुपयांवरुन ६९००० पर्यंत करण्याची मागणी केली जात आहे. दरम्यान, सध्या फिटमेंट फॅक्टर २.५७ आहे. त्यानंतर कर्मचारी संघटना फिटमेंट फॅक्टर ३.८३ करण्याची मागणी करत आहेत.

जर फिटमेंट फॅक्टर ३.८३ लागू झाला तर बेसिक सॅलरी १८००० रुपयांवरुन ६८,९४० रुपये होऊ शकते.कर्मचाऱ्यांची पेन्शनदेखील वाढू शकते. प्रत्येक लेव्हलनुसार कर्मचाऱ्यांचा पगार आणि पेन्शन वाढणार आहे. लेव्हल २ कर्मचाऱ्यांचा पगार १९,९०० रुपयांवरुन ७६ हजारांवर जाऊ शकतो.

आठव्या वेतन आयोगात किती वाढणार पगार? (8th Pay Commission Salary Hike Update)

लेव्हल १ कर्मचाऱ्यांमध्ये शिपाई आणि अटेंडंटचा समावेश होतो. लेवल २ मध्ये लोअर डिवीजन, लेव्हल ३ मध्ये कॉन्स्टेबल आणि कुशल कर्मचाऱ्यांचा समावेश आहे. लेव्हल ४ मध्ये स्टेनोग्राफर आणि ज्युनिअर क्लार्कचा समावेश होतो.

लेव्हल १- बेसिक सॅलरी १८००० रुपयांवरुन ६९००० रुपये

लेव्हल २ कर्मचाऱ्यांचा पगार १९,९०० रुपयांवरुन ७६,००० रुपये

लेव्हल ३ कर्मचाऱ्यांना २१,७०० रुपयांवरुन ८३,००० रुपये

लेव्हल ४ कर्मचाऱ्यांना २५,५०० रुपयांवरुन ९७,००० रुपये

लेव्हल ५ कर्मचाऱ्यांची बेसिक सॅलरी २९,२०० रुपयांवरुन १.११ लाख रुपये

लेव्हल ६ कर्मचाऱ्यांचा पगार ३५,४०० रुपयांवरुन १,३५ लाख रुपये

लेव्हल ७ कर्मचाऱ्यांचा पगार ४४,९०० रुपयांवरुन १.७२ लाख रुपये

लेव्हल ८ कर्मचाऱ्यांना ४७,६०० रुपयांवरुन १.८२ लाख रुपये

लेव्हल ९ कर्मचाऱ्यांचा पगार ५३,१०० रुपयांवरुन २.०३ लाख रुपये