राहुल गांधी काँग्रेस अध्यक्षपदाच्या निवडणुकीवर ठाम आहेत. पक्षानं आता लवकरात लवकर अध्यक्षपदाची निवड करावी अशी मागणी राहुल गांधी यांनी एका पत्राद्वारे केलीय. लोकसभा निवडणुकीतल्या पराभवानंतर राहुल गांधी यांनी या पराभवाची सर्वस्वी जबाबदारी स्वीकारलीय. पक्ष योग्य तो निर्णय घेईल असंही राहुल गांधींनी म्हंटलंय. याबाबतचं एक चार पानांचं पत्रंही राहुल गांधींनी पक्षाला पाठवलंय. मोतीलाल व्होरा काँग्रेसचे अंतरिम अध्यक्ष होण्याची शक्यता आहे.
लोकसभा निवडणुकीत काँग्रेस पक्षाचा झालेल्या दारुण पराभवाच्या पार्श्वभूमीवर राहुल गांधी यांनी आपल्या पदाचा राजीनामा दिला होता. त्यानंतर मात्र, काँग्रेस वर्किंग कमिटीने त्यांचा राजीनामा नामंजूर केला होता. परंतु, राहुल गांधी हे राजीनाम्यावर ठाम होते. राहुल गांधी यांनी अध्यक्षपदाचा राजीनामा मागे घेणार नाही ही ठाम भूमिका घेतल्यामुळे काँग्रेस कार्यकर्त्यांमध्ये मोठी घबराट निर्माण झाली होती. हजारो कार्यकर्त्यांसह अनेकांनी त्यांच्या समर्थनार्थ राजीनामेही देऊ केले आहेत.
#Breaking काँग्रेस पक्षाचा अध्यक्ष म्हणून २०१९ निवडणुकांमध्ये झालेल्या हानीची मी जवाबदारी स्वीकारत असल्याचं म्हणत राहुल गांधी यांनी आपला राजीनामा केला सार्वजनिक. #RahulGandhi #ResignationofRaGa @INCMaharashtra @INCIndia pic.twitter.com/N5KqgUlHJx
— SaamTV News (@saamTVnews) July 3, 2019
दरम्यान, तुम्हीच पक्षाध्यक्षपदी राहा, अन्यथा आम्ही राजीनामा देऊ, असे सांगत, पाच काँग्रेसशासित राज्यांच्या मुख्यमंत्र्यांनीही गांधी यांना पद न सोडण्याचा आग्रह केला. परंतु राहुल गांधी यांनी आपला निश्चय सोडणार नसल्याचे संकेत त्याचवेळी मिळाले होते. अशोक गेहलोत (राजस्थान), कमलनाथ (मध्य प्रदेश), कॅ. अमरिंदर सिंग (पंजाब), भूपेश बघेल (छत्तीसगढ) व एन. नारायणस्वामी (पुडुच्चेरी) या पाच मुख्यमंत्र्यांनी राहुल गांधी यांची एकत्रित भेट घेऊनही राहुल गांधी राजीनाम्यावर कायम होते.
राहुल गांधी लोकसभा निवडणुकीत झालेल्या पराभवानंतर अत्यंत अस्वस्थ झाले होते. त्यांनंतर तेव्हापासून ते राजीनाम्यावर कायम होते. आज (ता.03) अखेर त्यांनी आपण आता काँग्रेस अध्यक्ष नसल्याचे घोषित केले.
WebTitle : marathi news rahul gandhi tweets his resignation letter accepts responsibility of loksabha 2019 defeat
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.