- अजय सोनवणे

Yeola Bajar Samiti News : व्यापारी आणि मापारी यांच्या वादामुळे आज (बुधवार) येवला बाजार समितीमधील कांदा लिलाव ठप्प झाला. दरम्यान त्यानंतर झालेल्या बैठकीत देखील काेणताच ताेडगा निघाला नाही. (Maharashtra News)

नाशिकच्या येवला बाजार समितीत आज सकाळी कांदा लिलाव सुरू झाले. त्यानंतर काही वेळाने व्यापारी व मापारी यांच्यात सौदा पट्टी वरून वाद झाला. हा वाद झाल्यानंतर मापारी यांनी कामकाज थांबविल्याने कांदा लिलाव प्रक्रिया बंद पडली.

त्यानंतर व्यापारी व मापारी यांची बाजार समिती सभापती यांच्या समवेत बैठक पार पडली. या बैठकीत कुठलाही तोडगा निघाला नाही. आज आलेली कांदा आवक काढून घेतली जाईल व उद्या या विषयावर व्यापाऱ्यांची पुन्हा बैठक घेण्यात येईल असे सांगण्यात आले. या बैठकीत सौदापट्टी बाबत निर्णय घेण्यात येणार आहे. त्यामुळे उद्या बाजार समितीचे लिलाव होणार की नाही याकडे शेतक-यांचे लक्ष लागले आहे.

Edited By : Siddharth Latkar