मनोज जयस्वाल 
वाशीम : पार्टीच्या पावसाळा आता सुरवात झाली आहे. या दरम्यान वाशीम जिल्ह्यातील काही भागात आज दुपारच्या सुमारास विजांच्या कडकडाटासह पावसाचे आगमन झाले. यात वीज पडून एका शेत मजुराचा मृत्यू झाला. तर अन्य एकजण जखमी झाल्याची घटना मालेगाव तालुक्यात घडली आहे.   

राज्यात मुसळधार पावसाची शक्यता वर्तविण्यात आली आहे. हा पाऊस आता परतीचा राहणार असून आज राज्यातील अनेक भागात पावसाचे आगमन झाले. दरम्यान (Washim News) वाशिमच्या मालेगाव तालुक्यात अनेक ठिकाणी विजांच्या कडकडाटासह परतीच्या पावसाचे जोरदार आगमन झाले. यामुळे शेतात काम करत असलेल्या शेतकरी व मजुरांची चांगलीच तारांबळ उडाली. यात एका शेत मजुराचा (Lightning Strike) वीज पडून मृत्यू झाला. तर एक जण जखमी झाला आहे. प्रकाश मनोहर कांबळे (वय ३२) असे मृताचे नाव आहे. सुदी शेत शिवारात शेत मजुरी करीत असताना हि घटना घडली.

सोयाबीन, कापसाचे नुकसान 
परतीच्या पावसामुळे काढणीला आलेल्या आणि कापणी करून ठेवलेल्या सोयाबीनचं अतोनात नुकसान होण्याची शक्यता आहे. इतकेच नाही तर कपाशीचे बोन्ड फुटले असल्याने कपाशी वेचणीवर आली आहे. मात्र पावसामुळे झाडावरील कापूस भिजून खराब होण्याची शक्यता देखील निर्माण झाली आहे. यामुळे शेतकऱ्यांची चिंता वाढली आहे.